fbpx
Miðvikudagur 02.apríl 2025
Fréttir

Ákærður fyrir grimmilega hnífsstunguárás í Grafarholti

Ritstjórn DV
Miðvikudaginn 21. febrúar 2024 11:00

Grafarholt. Myndin tengist fréttinni ekki beint. Wikimedia Commons - Roman Z

Ekki missa af Helstu tíðindum dagsins í pósthólfið þitt

Lesa nánar

Maður, sem er um tvítugt, hefur verið ákærður af embætti héraðssaksóknara fyrir tilraun til manndráps með því að hafa framið afar hrottalega hnífsstunguárás í Grafarholti í Reykjavík í nóvember síðastliðnum. Málið var þingfest fyrir Héraðsdómi Reykjavíkur í gær. Þolandi árásarinnar hlaut mikla áverka og ástæða er til að vara við lýsingum sem fara hér á eftir.

Málið vakti mikinn óhug þegar það kom upp en talið var líklegt að stunguárásin tengdist deilum milli hópa og sömuleiðis stunguárás í fangelsinu á Litla-Hrauni og skotárás í Úlfarsárdal sem framdar höfðu verið skömmu áður.

Sjá einnig: Viðbúnaður í Grafarholti eftir hnífstungu í nótt – Talið tengjast árásinni á Litla-Hrauni í gær

Í ákæru héraðssaksóknara kemur fram að hinn ákærði hafi ráðist á þolandann, sem einnig er karlmaður, fyrir utan íbúð og síðan elt hann uppi þegar hann hljóp í burtu og stungið hann margsinnis með hníf.

Voru afleiðingarnar þær að þolandinn hlaut 2-2,5 sentímetra stungusár aftanvert á vinstri brjóstkassa yfir herðablaði. Einnig 2,5 sentímetra stungusár framanvert á hægri brjóstkassa og síðu yfir rifjabarðinu skáhallt niður frá geirvörtu og beint neðan undan fremri fellingu holhandar (handarkrika) yfir lifrarsvæði. Þriðji skurðurinn var djúpur neðanvert á vinstri framhandlegg niður undan olnboga og fór að hluta til í gegnum sinar og sinafell þannig að réttisin olnboga var tekin í sundur að hluta og djúpt inn í vöðvann. Loks hlaut þolandinn skurð á vinstri baugfingri þar sem stór hluti gómsins skarst af lófamegin.

Krefst héraðssaksóknari þess að maðurinn verði dæmdur til refsingar en þolandinn gerir kröfu um 2.500.000 krónur í miskabætur auk vaxta.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“
Fréttir
Fyrir 15 klukkutímum

Hljópst þú 1. apríl eða varstu með göbbin á hreinu?

Hljópst þú 1. apríl eða varstu með göbbin á hreinu?
Fréttir
Fyrir 23 klukkutímum

Afllítið gos – Ekki útilokað að gjósi á fleiri stöðum

Afllítið gos – Ekki útilokað að gjósi á fleiri stöðum
Fréttir
Í gær

Hvernig fjandsamleg yfirtaka Bandaríkjanna á Grænlandi myndi fara fram – „Ekki svæði sem hentar vel til innrásar“

Hvernig fjandsamleg yfirtaka Bandaríkjanna á Grænlandi myndi fara fram – „Ekki svæði sem hentar vel til innrásar“