fbpx
Þriðjudagur 16.júlí 2024
Fréttir

Umboðsmaður Alþingis setur ofan í við héraðs- og ríkissaksóknara

Ritstjórn DV
Fimmtudaginn 15. febrúar 2024 16:00

Skúli Magnússon, Umboðsmaður Alþingis

Ekki missa af Helstu tíðindum dagsins í pósthólfið þitt

Lesa nánar

Umboðsmaður Alþingis birti fyrr í dag á vef sínum bréf sem hann hefur ritað, til dómsmálaráðherra og ríkissaksóknara, í tilefni af því að kvörtun barst embættinu yfir því að embætti héraðssaksóknara hafi látið lögmann óviðkomandi aðila hafa gögn sem vörðuðu sakamál. Um var að ræða lögmann konu en eiginmaður hennar sem nú er látinn hafði sætt sakamálarannsókn vegna gruns um skattalagabrot.

Í bréfinu segir að umboðsmaður hafi lokið athugun sinni á kvörtuninni þar sem skilyrði laga fyrir meðferð hennar hjá embættinu voru ekki uppfyllt. Hins vegar ákvað umboðsmaður að skoða málið nánar þar sem það vakti athygli hans að lögmanni lögaðila, sem hvorki naut stöðu sakbornings né brotaþola, hefði verið veittur aðgangur að gögnunum.

Í samantekt á efni bréfsins segir að í kjölfar þessarar athugunar sé ríkissaksóknara bent á að haga framkvæmd á grundvelli fyrirmæla um efnið þannig að dregið sé úr hættu á því að gögnum sakamála verði miðlað til óviðkomandi aðila.

Ríkissaksóknari hafi rangt fyrir sér

Fyrirmæli ríkissaksóknara mæli fyrir um að veita megi sakborningi og brotaþola aðgang að rannsóknargögnum sakamáls sem er lokið að ákveðnum skilyrðum uppfylltum. Sama gildi um hvern þann sem sýni fram á að hann hafi lögvarinna hagsmuna að gæta. Hafi ríkissaksóknari vísað til heimildar í stjórnsýslulögum.

Í bréfi Umboðsmanns Alþingis sé hins vegar bent á að samkvæmt stjórnsýslulögum blasi ekki við að aðrir en sakborningur og brotaþoli, eða umboðsmenn þeirra, eigi rétt á aðgangi að gögnum sakamáls. Þess vegna sé þeirri ábendingu komið á framfæri við ríkissaksóknara að taka framsetningu ákvæðisins til endurskoðunar.

Í bréfinu kemur einnig fram ríkissaksóknari hafi rökstutt fyrirmæli sín með vísan til laga um vinnslu persónuupplýsinga í löggæslutilgangi. Þau lög geri hins vegar ráð fyrir því að gögnum sé ekki miðlað nema þau séu viðtakandanum nauðsynleg auk þess sem taka þurfi mið af þagnarskyldureglum.

Haga þurfi framkvæmd á grundvelli fyrirmælanna þannig að hvert og eitt tilfelli sé metið gaumgæfilega. Með því sé dregið úr hættu á að gögnum sakamála, sem er lokið, sé miðlað til utanaðkomandi í bága við réttindi aðila máls.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Íslendingur fannst látinn á Spáni

Íslendingur fannst látinn á Spáni
Fréttir
Fyrir 21 klukkutímum

Bæjarfulltrúi Sjálfstæðisflokksins styður ekki Coda Terminal verkefnið við Vellina – Þyrfti aðkomu minnihlutans til að koma málinu í gegn

Bæjarfulltrúi Sjálfstæðisflokksins styður ekki Coda Terminal verkefnið við Vellina – Þyrfti aðkomu minnihlutans til að koma málinu í gegn
Fréttir
Fyrir 2 dögum

Gangandi fólk kemst ekki lengur eftir gangstéttum í Norðurmýri – Bílastæðavandinn mikill

Gangandi fólk kemst ekki lengur eftir gangstéttum í Norðurmýri – Bílastæðavandinn mikill
Fréttir
Fyrir 2 dögum

Harmleikur í hitabylgju – Gleymdi tveggja ára dóttur sinni úti í bíl með hræðilegum afleiðingum

Harmleikur í hitabylgju – Gleymdi tveggja ára dóttur sinni úti í bíl með hræðilegum afleiðingum
Fréttir
Fyrir 3 dögum

Hlaut lífstíðarfangelsi fyrir ráðabrugg um að nauðga og drepa eina skærustu sjónvarpsstjörnu Breta

Hlaut lífstíðarfangelsi fyrir ráðabrugg um að nauðga og drepa eina skærustu sjónvarpsstjörnu Breta
Fréttir
Fyrir 3 dögum

Guðmundur Ingi segir verið að hafa almenning að fíflum

Guðmundur Ingi segir verið að hafa almenning að fíflum