Sprenging í vélarrúmi rússneska flutningaskipsins Ursa Major nýlega varð til þess að skipið sökk þar sem það var á siglingu í Miðjarðarhafi. Fjórtán áhafnarmeðlimum var bjargað en tveggja er saknað.

Útgerð skipsins, Oboronlogistika, segir að um hryðjuverk hafi verið að ræða. Rússneska ríkisfréttastofan RIA skýrir frá þessu.

Sky News segir að samkvæmt því sem úkraínska leyniþjónustan segi þá hafi skipið verið sent til Sýrlands til að sækja vopn og ýmis hergögn í kjölfar falls einræðisstjórnar Bashar al Assad.

Útgerð skipsins heldur því fram að skipið hafi verið á leið til Vladivostok með tvo risakrana.