Fimm einstaklingar gista í fangaklefa eftir næturvakt lögreglunnar á höfuðborgrsvæðinu og voru 74 mál færð til bókar frá klukkan 17- 5 í morgun.

Lögreglan var með ölvunarpóst á Bústaðavegi og voru 200 ökumenn látnir blása. Tveir ökumenn voru kærðir fyrir ölvunarakstur og nokkrum gert að hætta akstri. Einnig var lögregla með ölvunarpóst við Háskólabíó og voru 150 ökumenn látnir blása. Einum var gert að hætta akstri.

Lögreglan stöðvaði átta bifreiðar þar sem búið var að skreyta bifreiðarnar með jólaseríu og fleira. Bifreiðarnar boðaðar í skoðun.

Þriggja bíla árekstur var í hverfi 210, Ekki voru nein slys á fólki.

Tilkynnt um þjófnað og eignarspjöll í hverfi 201. Aðili handtekinn á vettvangi grunaður um verknaðinn og hann vistaður í fangaklefa í þágu rannsóknar málsins.

Ofangreint er aðeins hluti af verkefnum næturvaktarinnar.