Á sama tíma og mörg þúsund norðurkóreskir hermenn eru á leið á vígvöllinn í Úkraínu, heyrist ekkert frá Kínverjum. Þeir hafa ekki tjáð sig um þessa þróun mála og segir The Guardian að þetta hafi vakið furðu margar bandarískra og breskra sérfræðinga.
Nú síðast sagði Kurt Campell, aðstoðarutanríkisráðherra Bandaríkjanna, á ráðstefnu hugveitunnar Center for Strategic and International Studies að það kraumi undir í Kína. „Samband Rússlands og Kína, verður sífellt óþægilegra fyrir Kína,“ sagði hann og benti á að Kínverjar hafi miklar áhyggjur af að samband Rússlands og Norður-Kóreu geti styrkt stöðu Bandaríkjanna hjá bandalagsríkjum þeirra í Asíu. Og það eru ekki góðar fréttir fyrir Kínverja ef Bandaríkin styrkja stöðu sína í heimshlutanum.
Það þjónar auðvitað hagsmunum Bandaríkjanna að Campbell blási í glóðir hugsanlegra deilna við Kína en margir sérfræðingar benda á að í þessu samhengi sé svolítið sem standist ekki skoðun. Þetta sagði Dennis Wilder, fyrrum starfsmaður CIA og núverandi aðstoðarmaður Campbell.
„Þögnin í tengslum við þetta efni blasir við. Það er ekki minnst einu orði á þetta í kínverskum fjölmiðlum. Hvorki um samninginn á milli Rússlands og Norður-Kóreu frá því í sumar eða norðurkóreska hermenn í Rússlandi og Úkraínu. Hvernig geta Kínverjar útskýrt hvað er að gerast og hvernig hunsa þeir það á alþjóðavettvangi að bandalagsþjóð þeirra er nú að berjast í Úkraínu? Evrópubúar verða reiðir yfir þessu en þeir verða ekki reiðir út í Norður-Kóreu, heldur Kína,“ sagði Wilder í samtali við The Guardian.
