fbpx
Föstudagur 04.apríl 2025
Fréttir

Fiskikóngurinn fór aðeins fram úr sér og pantaði 5 þúsund húfur með pólitískum skilaboðum

Ragna Gestsdóttir
Þriðjudaginn 12. nóvember 2024 15:00

Ekki missa af Helstu tíðindum dagsins í pósthólfið þitt

Lesa nánar

Kristján Berg, eða Fiskikóngurinn eins og við þekkjum hann best viðurkennir að hafa farið aðeins fram úr sér við pöntun fyrr á þessu ári.

Fyrr á þessu ári byrjaði Kristján að hanna og selja saunaklefa eftir að sonur hans Ari Steinn stakk upp á því, sonurinn á líka heiðurinn af nafni saunaklefans: Alþingi. 

„Þegar maður hannar nýja vörur, þá er alltaf erfitt að finna nafn á vörurnar. Nafnið þarf að vera flott, grípandi og þjált, að mínu mati. Sonur minn Ari Steinn stakk upp á að skíra saunaklefann Alþingi. Við ræddum þetta svo sem ekki mikið, nafnið er frábært,“ segir Kristján.

Í kjölfarið fékk hann þá flugu í höfuðið að láta framleiða saunahúfur og merkja þær með lógó frá öllum stjórnmálaflokkunum. Kristján sendi póst á alla flokkanna og fékk leyfi. Í síðustu viku kom gámurinn með pöntuninni.

„Ég viðurkenni fúslega að ég fór aðeins fram úr mér við pantanir. En það þurfti lágmarkspöntun til þess að þeir myndu framleiða allt þetta fyrir okkur. Niðurstaðan var 5000 húfur. 30 mismunandi tegundir, flest allt tengt stjórnmálum, annað eitthvað bull sem okkur datt í hug að láta framleiða.“ 

Kristján biðst velvirðingar á því að Lýðræðisflokkurinn og Ábyrg framtíð eru ekki með því þegar pöntunin var gerð voru stjórnarslit ekki orðin og því ekki vitað að tveir flokkar myndu bætast við.

„En verkefnið á að vera skemmtilegt.  Heitustu umræðurnar eiga að fara fram í Saunaklefanum Alþingi. Þeir sem fara inn eiga ræða málin af miklum hita, útkljá málin í miklum hita og síðan eiga allir alltaf að koma sáttir út. Á heimasíðu okkar er húfunum raðað upp eftir því hver þeirra er söluhæðst, þannig að SimmiD er söluhæstur þegar þetta er skrifað. Svo gæti það breyst.“ 

Kristján segist mjög oft fá furðulegar hugmyndir.

„Gallinn við mig er sá að ég framkvæmi oftast allar mínar brjáluðu hugmyndir, sem er bæði gott og slæmt. En ég verð að lifa með mínum kostum og ókostum.  (Bara greyið konan, mín, börnin og mínir nánustu). En það skíta allir á sig. Bara spurning hvernig maður skeinir sér. Ég á allavega nokkur þúsund húfur sem gætu nýst vel í verkið ef til þess þarf,“ segir Kristján og gerir þannig grín að sjálfum sér og pöntuninni stóru.

Hann minnir fólk að lokum á að kjósa rétt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Borgfirðingar vilja losna við gamla heiti staðarins – Þessum sjö þorpum tókst það

Borgfirðingar vilja losna við gamla heiti staðarins – Þessum sjö þorpum tókst það
Fréttir
Fyrir 20 klukkutímum

Reykjavíkurborg braut á fatlaðri konu – Látin bíða svara í nærri áratug

Reykjavíkurborg braut á fatlaðri konu – Látin bíða svara í nærri áratug
Fréttir
Fyrir 22 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 23 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Afmælisgöngutúrinn breyttist í martröð þegar eiginmaðurinn reyndi þrisvar að myrða hana – „Ég er orðin svo fokking leiður á þér“

Afmælisgöngutúrinn breyttist í martröð þegar eiginmaðurinn reyndi þrisvar að myrða hana – „Ég er orðin svo fokking leiður á þér“
Fréttir
Í gær

Sakaður um að kynferðisbrot gegn dreng í búningsklefa og dreginn fyrir dóm á Akureyri

Sakaður um að kynferðisbrot gegn dreng í búningsklefa og dreginn fyrir dóm á Akureyri
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur