„Glæpatíðnin í landinu er svo lág að foreldrar treysta sér til skilja barnavagnanna eftir úti, með börnunum í“

Þetta segir í grein Express í dag þar sem fjallað erum Ísland sem öruggasta ríki heims þrátt fyrir að við séum ekki með her. Þar er rekið að Ísland hafi haldið þessum titli hjá Global Peace Index frá árinu 2008 og fyrir því séu margar ástæður.

„Þrátt fyrir að vera í Nato þá er Ísland ekki með neinn her. Þetta litla land hefur aldrei tekið þátt í stórum stríðum eða innrásum og í stjórnarskrá þess er ekki að finna heimild til að lýsa yfir stríði“

Þess í stað sé Ísland með stofnanir á borð við Landhelgisgæsluna, björgunarsveitir og sérsveit ríkislögreglustjóra. En það sé meira sem geri Ísland álitlegt í augum utanaðkomandi.

„Ísland er meðal fimm hamingjusömustu ríkja í heiminum þökk sé velferðarkerfinu, menntakerfinu og mikilli áherslu á jafnrétti. Landið leggur áherslu á hamingjusamt og heilbrigt líf sem hefur bein áhrif á glæpatíðnina.“

Glæpatíðnin sé svo lág að þegar glæpur er framinn þá fjalli fjölmiðlar um það í langan tíma.

Annað dæmi um öryggistilfinningu landsmanna er sú hefð að láta börn sofa úti í barnavögnum. Express segir landsmenn gera þetta til að styrkja ónæmiskerfi barnanna.

„Íslenskir foreldra þurfa ekki að óttast að börnum þeirra verði rænt, þar sem það er ekki eitthvað sem gerist þar.“

Íslendingar sýni samfélagsábyrgð í verki svo sem með því að vera með staðbundnar björgunarsveitir með sjálfboðaliðum.