Matreiðslumaður um þrítugt, Theodór Páll Theodórsson, var dæmdur í 7 ára fangelsi fyrir fjölmörg kynferðisbrot í janúar á þessu ári. Meðal annars var hann sakfelldur fyrir kynferðisbrot gegn tveimur unglingsstúlkum og ítrekuð vændiskaup. Landsréttur hefur nú staðfest niðurstöðu Héraðsdóms um refsingu.

Landsréttur tók fram að Theodór hefði nýtt sér yfirburðastöðu sína gegn stúlkunum. Brot hans beindust gegn mikilvægum verndarhagsmunum ungar stúlkna á viðkvæmu aldurs- og þroskaskeiði. Af framburði brotaþola megi ráða að brotin hafi valdið þeim mikilli vanlíðan.

Brotin voru einbeitt og skipulögð þar sem hann nálgaðist aðra stúlkuna undir ólíkum nöfnum og á mismunandi forsendum á samskiptaforritinu Snapchat. Hann notfærði sér gróflega ungan aldur og þroskaleysi stúlknanna í samskiptum við þær og skeytti engu um afleiðingar brotanna. Landsréttur telur brot Theodórs sérlega ófyrirleitin og hann þykir ekki eiga sér nokkrar málsbætur.

Sjá einnig: Seldi áfengi í gegnum Snapchat og tældi ungar stúlkur þar