fbpx
Föstudagur 04.apríl 2025
Fréttir

Arnar Þór segir að djúpríkið sé staðreynd á Íslandi og skýrt dæmi um það muni birtast á næstu vikum

Ritstjórn DV
Miðvikudaginn 30. október 2024 10:00

Arnar Þór Jónsson.

Ekki missa af Helstu tíðindum dagsins í pósthólfið þitt

Lesa nánar

Arnar Þór Jónsson, formaður Lýðræðisflokksins og fyrrverandi forsetaframbjóðandi, segir að hann hafi í störfum sínum komist að því að djúpríki sé við lýði á Íslandi.

Arnar Þór er gestur Stefáns Einars Stefánssonar í Spursmálum á mbl.is en fjallað er um viðtalið á síðum Morgunblaðsins í dag.

Í þættinum berst talið meðal annars að hinu svokallaða djúpríki sem verið hefur meira og meira áberandi í stjórnmálaumræðunni hér á landi. Í grunninn felur hugtakið í sér leynilegt bandalag hagsmunaafla sem hefur það markmið að tryggja eigin stöðu umfram aðra þjóðfélagsþegna en á þeirra kostnað.

Arnar Þór segir að þetta sé við lýði hér á landi og birtist til dæmis í samtvinnun valds milli stjórnmála og viðskiptalífs.

Styrmir um íslenska djúpríkið: „Er kannski eitthvað „ógeðslegt“ við samfélag okkar?“

„Þar sem útvaldir menn eru teknir og þeim er hampað, það eru búin til embætti, það er gagnkvæm hagsmunagæsla milli flokka,“ segir hann og nefnir sendiherraembætti sem dæmi um þetta. „Þetta fór inn í bankana áður fyrr. Núna fer þetta í sendiherrastöður og annað.“

Þegar Stefán Einar spurði hvort um samantekin ráð væri að ræða sagði Arnar svo vera og þetta væri augljóst öllum sem vilja sjá. Hann taldi þó ósanngjarnt og ekki við hæfi að nefna nöfn í þessu samhengi. Hann telur þó að skýrt dæmi um þetta muni birtast á næstunni.

„Ég skal nefna eitt dæmi sem mun væntanlega gerast á næstu dögum eða vikum. Katrín Jakobsdóttir verður væntanlega sett í eitthvert gott embætti á vegum íslenska ríkisins eða hjá erlendum stofnunum.“

Spurður hvort hann hefði einhverjar upplýsingar um þetta sagði Arnar Þór að þetta muni væntanlega gerast. „Menn þurfa ekki annað en að þekkja söguna sæmilega til að sjá hvernig þetta er gert.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 15 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú