fbpx
Föstudagur 04.apríl 2025
Fréttir

Jakob Bjarnar telur Ölmu og Víði vera vanhæf sem frambjóðendur – „Ungt fólk er að drepa sig í dag“

Ritstjórn DV
Fimmtudaginn 24. október 2024 14:00

Ekki missa af Helstu tíðindum dagsins í pósthólfið þitt

Lesa nánar

Hinn þekkti blaðamaður, Jakob Bjarnar Grétarsson, hefur miklar efasemdir um hæfi þeirra Ölmu Möller landlæknis og Víðis Reynissonar, yfirlögregluþjóns hjá Almannavörnum, sem væntanlegra þingmanna Samfylkingarinnar, en bæði eru í mjög álitlegum sætum á framboðslistum flokksins fyrir kosningarnar. Jakob telur þetta vera óheppilegt í ljósi þess að ekki er búið að gera upp sóttavarnaaðgerðir Covid-tímabilsins og afleiðingar þeirra.

Þetta kom fram á Bylgjunni í morgun. „Ég held að þau hafi gert mjög alvarleg mistök, katastrófísk, með því að tromma fram með tvo þriðju þríeykisins. Og ég held bara að þeir sem þar hafi vélað um, geri ráð fyrir að þar sé einhver uppstillingarnefnd sem hafi gengið á eftir þeim Ölmu og Víði með það að bjóða sig fram. Ég er ekki viss um að þau hafi hugsað þetta alla leið. Þetta snýr ekki að því að þau sé eitthvert ómögulegt fólk,“ sagði Jakob og benti á að Alma og Víðir hafi borið ábyrgð á mjög afdrifaríkum ákvörðunum í faraldrinum, mál sem algjörlega eigi eftir að gera upp.

„Þau eru bara nánast vanhæf. Vegna þess að við erum ekki búin að gera upp Covid-tímabilið,“ segir Jakob og gengur svo langt að rekja sjálfsmorð unglinga óbeint til sóttvarnaráðstafanna í faraldrinum. Hann segir að gengið hafi verið mjög langt í því að traðka á skoðanafrelsi fólks og fjölmiðla til að vernda háaldraðan þjóðfélagshóp, á kostnað ungmaenna.

„Með þeim afleiðingum að ungt fólk er að drepa sig í dag,“ sagði Jakob og skóf ekki utan af því. „Við erum að horfa fram á algjört ófremdarástand í geðheilbrigðismálum ungs fólks sem má rekja til þess að það var stór hluti æskunnar sem bara missti af menntaskólaárunum. Þetta á eftir að rannsaka og skoða og hvernig á það að fara fram undir stjórn Ölmu sem heilbrigðisráðherra?“

Aðspurður sagðist Jakob vera óviss um hvort covid-tímabilið yrði almennilegt gert upp. „Kannski á bara að gera allt með rassgatinu og gleyma því liðna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 9 klukkutímum

Starfs­fólki sárnaði um­fjöllunin: „Ekki í höndum heil­brigðis­stofnana að út­vega ein­stak­lingum gistingu“

Starfs­fólki sárnaði um­fjöllunin: „Ekki í höndum heil­brigðis­stofnana að út­vega ein­stak­lingum gistingu“
Fréttir
Fyrir 9 klukkutímum

Njáll Torfason er látinn – Þekktur fyrir ótrúlega hæfileika

Njáll Torfason er látinn – Þekktur fyrir ótrúlega hæfileika
Fréttir
Í gær

Vilja ekki sjá Konukot í sama húsi: Hóta því að fara fram á skaðabætur ef viðskiptavinir verða fyrir truflun

Vilja ekki sjá Konukot í sama húsi: Hóta því að fara fram á skaðabætur ef viðskiptavinir verða fyrir truflun
Fréttir
Í gær

Mál Mohamads ekki fyrir Hæstarétt – Taldi gæslu fimm lögreglumanna hafa hrætt dómara

Mál Mohamads ekki fyrir Hæstarétt – Taldi gæslu fimm lögreglumanna hafa hrætt dómara
Fréttir
Í gær

Þorvaldur: Gætum átt von á óvæntum atburðum – „Það kæmi mér ekki á óvart“

Þorvaldur: Gætum átt von á óvæntum atburðum – „Það kæmi mér ekki á óvart“
Fréttir
Í gær

Staðan á Reykjanesskaga: 80-120 skjálftar mælast á hverri klukkustund

Staðan á Reykjanesskaga: 80-120 skjálftar mælast á hverri klukkustund