Newsweek segir að þessi dularfulli aðili hafi lagt upphæðina undir á vefmálasíðunni Polymarket. Hann veðjaði á að Trump verði forseti, að hann fá flest atkvæði í heildina og að hann sigri í Pennsylvania.
Veðmálið hafði strax þau áhrif að líkurnar á að Trump verði forseti eru nú taldar vera 60% á vefmálasíðunni og er þá aðeins horft á þann þátt.
En enginn veit hver er á bak við notendanafnið „Fredi9999“ en viðkomandi skráði sig fyrst á síðuna í júní síðastliðnum.
Viðkomandi hefur lagt tæplega 70 milljónir dollara undir síðan og hagnast um 1,5 milljónir dollara á þessum veðmálum sínum.
Það geta verið margvíslegar ástæður fyrir því að viðkomandi leggur svona háa upphæð undir á sigur Trump. Laura Beers, prófessor í sagnfræði og sérfræðingur í pólitískum veðmálum við American University, sagði í samtali við Newsweek að þetta gerti verið form tryggingar. „Ef „Fredi9999“ á hagsmuna að gæta í viðskiptalífinu, sem gætu valdið fjárhagslegu tapi ef Trump sigrar, þá gæti þetta verið aðferð til að vega upp á móti þessu framtíðar tapi,“ sagði hún.