Hann birti mynd á Facebook-síðu sinni um helgina sem sýnir samanburð á vöxtum húsnæðislána í ríkjum Evrópu. Það er skemmst frá því að segja að Ísland kemur ekkert sérstaklega vel út í þessum samanburði og eru vextirnir aðeins hærri í Úkraínu og Rússlandi.
„Um þetta eiga komandi alþingiskosningar að snúast um enda nauðsynlegt að taka á því vaxtaofbeldi sem heimili þessa lands hafa þurft að búa við um margra áratugaskeið,“ segir hann og bætir við að taka þurfi á þessu fjármálakerfi sem sogar til sín allt allt fjármagn frá einstaklingum, heimilum og litlum og meðalstórum fyrirtækjum.
„Að hugsa sér að frá árinu 2021 til 2024 hafa hreinar vaxtatekjur viðskiptabankana þriggja numið 462 milljörðum. Já, kerfisbreytingar á fjármálakerfinu og húsnæðismálum er mál málanna í komandi alþingiskosningum enda ekki hægt að bjóða landsmönnum upp á þetta vaxtaofbeldi stundinni lengur.“
Þó að þetta sé stóra málið nefnir Vilhjálmur annað mál sem gera þarf bragarbót á.
„Einnig þarf að ráðast tafarlaust í að auka orkuöflun á græni orku sem ýti undir og efli nýsköpun og tækniþróun og fjölgun fjölbreyttra starfa um land allt. Mikilvægt fyrir alla að átta sig á að án aukinnar verðmætasköpunar verður ekki hægt að halda úti þeirri velferð sem við viljum kenna okkur við. Við þurfum öflug vel launuð gjaldeyrisskapandi atvinnugreinar til að tryggja aukna velferð hér á landi! Munum að öll kerfi eru mannanna verk en ekki náttúrulögmál.“
Samanburðurinn sem Vilhjálmur birti:
