Össur Skarphéðinsson fyrrverandi formaður Samfylkingarinnar hefur vakið athygli fyrir greiningar sínar á stjórnmálaástandinu sem nú ríkir. Í þessum rituðu orðum funda Halla Tómasdóttir forseti Íslands og Bjarni Benediktsson forsætisráðherra um beiðni þess síðarnefnda um þingrof og og lausnarbeiðni hans fyrir ríkisstjórn sína. Össur segir það alveg skýrt hverjar stjórnskipulegar skyldur Höllu sé. Össur segir að vilji meirihluta Alþingis annars konar stjórn fram að kosningum en starfsstjórn undir forystu Bjarna eigi Halla að virða það:

Ekki skipti minna máli, að hún sagði líka kýrskýrt að skoða þyrfti aðra kosti, nánast sagði hreint út að þegar hefðu átt sér stað samtöl milli einhverra flokka um annars konar stjórn og kallaði eftir tíma fyrir að slíkum samtölum mætti ljúka.

Jafnframt sló hún föstu að VG gæti vel hugsað sér minnihlutastjórn eða bráðabirgðastjórn t.d. undir forystu Sigurðar Inga, formanns Framsóknar.“

Það sem Halla eigi að gera

Össur segir að í ljósi þessara orða Svandísar sé alveg skýrt hvað forsetanum beri að gera:

„Við þessar aðstæður er það stjórnskipuleg skylda forseta að ræða við alla formenn áður en hún tekur ákvörðun um framhaldið. Áður en þau samtöl hafa átt sér stað hefur forseti engar forsendur til að óska eftir því að við taki starfsstjórn undir forystu Bjarna. Ef meirihluti á þingi vill annað gildir það.

Eini möguleikinn fyrir forseta til að tilkynna starfstjórn Bjarna Benediktssonar að lokinni afsögn hans er að Bjarni geti fullvissað forsetann þegar hann kemur á fund hennar að ráðherrar VG séu á þeirri stundu reiðubúnir til að sitja í slíkri starfsstjórn, eða m.ö.o. að ekkert se að marka yfirlýsingar formanns VG.“