„Það er ótrúlegt til þess að vita, að RÚV skuli kynna þau Magnús Þór Bernharðsson og Magneu Marinósdóttur sem sérfræðinga í málefnum Miðausturlanda. Þau eru bæði hatursmenn Ísraels, sem er eina lýðræðisríkið í Miðausturlöndum. Fengju liðsmenn Hamas og Hesbollah að ráða, þá myndi þetta svæði breytast í nýtt Talíbanaríki, þar sem konur væru sviptar öllum réttindum, kristnir menn mættu ekki iðka trú sína og því síður boða hana, hendur væru höggnar af sakamönnum og samkynhneigðum væri fleygt út af efstu hæðum háhýsa. Núna er háð barátta siðmenningar og villimennsku í Miðausturlöndum. Það væri jafnfráleitt að gera vopnahlé við þessa villimenn og að stöðva sóknina inn í Þýskaland vorið 1945 og leyfa nasistum að ráða áfram norðurskika landsins.“

Hatar ekki Ísrael

Magnea svarar þessu fullum hálsi í athugasemd við færsluna:

„Það er hreint með ólíkindum að þú hafir verið prófessor við Háskóla Íslands enda hefur hugmyndafræði verið þín ær og kýr frekar en einhver „hlutlæg“ fræðimennska. Ég veit allt um það enda nemandi í tveimur námskeiðum hjá þér…. Ummæli þín um okkur Magnús dæma sig sjálf….“

Hannes hefur þegar þessi orð eru rituð ekki svarað athugasemd Magneu en ýmsir aðilar hafa hins vegar svarað athugasemdina. Í einnu svari Magneu við einni þessara athugasemda skrifar hún nánar um þær fullyrðingar að hún hati Ísrael:

„Ég frábið mér það sem Hannes Hólmsteinn segir þess efnis að ég sé hatursfulls í garð Ísrael. Það vill þannig til að ég þekki marga gyðinga í Ísrael og þau hafa mismunandi skoðanir á hernáminu, stríðinu á Gaza og fleira. Þau gagnrýna eigin stjórnvöld á meðan önnur klappa… þannig er veruleikinn og auðvitað á Ísraelsríki sér tilvistarrétt.“