fbpx
Laugardagur 15.mars 2025
Fréttir

Fyrrum útvarpsstjóri skýtur á eftirmann sinn: „Mér finnst það nú ekki stórmannlegt“

Ritstjórn DV
Miðvikudaginn 24. janúar 2024 11:30

Ekki missa af Helstu tíðindum dagsins í pósthólfið þitt

Lesa nánar

Páll Magnússon, fyrrverandi útvarpsstjóri, er ekki hrifinn af þeirri ákvörðun Ríkisútvarpsins að ætla að bíða með að taka ákvörðun um þátttöku Íslands í Eurovision þar til eftir Söngvakeppnina.

Greint var frá því í gær að RÚV hefði ákveðið að rjúfa tengsl á milli Söngvakeppninnar og þátttöku Íslands í keppninni í vor. Þetta þýðir að undankeppnin, það er sjálf Söngvakeppnin, verður haldin en ákvörðun verði tekin síðar um það hvort Ísland taki þátt í Eurovision eða ekki. Það verði meðal annars gert í samráði við sigurvegara keppninnar.

Páll Magnússon, sem var útvarpsstjóri á árunum 2005 til 2013, gerir athugasemd við þetta í umræðum undir Facebook-færslu fjölmiðlamannsins Jakobs Bjarnars Grétarssonar.

„Mér finnst það nú ekki stórmannlegt hjá RÚV að setja listafólkið í skotlínuna til að koma sjálfu sér í skjól,“ segir Páll í athugasemd við færslu Jakobs.

Í Facebook-færslu sinni sagði Jakob:

„Ef ég væri skeptískur, sem ég er auðvitað ekki, teldi èg að verið sé að fífla mannskapinn og það heldur billega. Fyrst þarf að fara óáreittur um auglýsingamarkaðinn, viðburðahaldið og símakosninguna áður en gefið er grænt ljós á þátttöku.“

Fleiri hafa tjáð sig um þessa ákvörðun RÚV og er Björgvin Halldórsson, sem keppti fyrir Íslands hönd í Eurovion árið 1995. „Mikið er lagt á sigurvegarann,“ sagði Björgvin við færsluna.

Sveinn Waage, markaðsstjóri og fyrirlesari, leggur einnig orð í belg við færsluna og segir:

„Það er óhjákvæmilegt að keppnin sjálf og atkvæði litist sterklega af þessari ákvörðun. Ætlar þú að kjósa þann sem vill deila sviði með Ísrael eða ekki fara út? Andvana fætt klúður.“

DV greindi í morgun frá Facebook-færslu Marðar Áslaugarsonar, fulltrúa Pírata í stjórn RÚV, sem sagði einmitt að stjórnendur stofnunarinnar væru með þessu að varpa allri ábyrgðinni á þátttöku RÚV í Eurovision á listafólkið sem tekur þátt í Söngvakeppninni.

Sjá einnig: Stjórnarmaður RÚV allt annað en sáttur við ákvörðunina í gær

„Þetta er auðvitað win win fyrir stjórnina og stjórnendur. Þetta stórkostlega trix firrir okkur algerlega allri ábyrgð á þessa gríðarlega mikilvægu ákvörðun og þeir sem verða brjálaðir út af niðurstöðunni, hver sem hún verður, munu beina bræði sinni að þessu listafólki en ekki að okkur,“ sagði Mörður í færslu sinni og bætti við:

„Þetta held ég að sé alveg meiriháttar. Ég held að einkunnarorð RÚV ættu að vera þessi: Hugrekki, heilindi, ábyrgð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Salah jafnaði metið
Fréttir
Í gær

Varar kattaeigendur í miðbænum við „helvítis ónytjungi“ sem hefur illt í hyggju

Varar kattaeigendur í miðbænum við „helvítis ónytjungi“ sem hefur illt í hyggju
Fréttir
Í gær

Jón Bjarki hraunar yfir Höskuld – „Megi þessi maður hafa ævarandi skömm fyrir sína framkomu“

Jón Bjarki hraunar yfir Höskuld – „Megi þessi maður hafa ævarandi skömm fyrir sína framkomu“
Fréttir
Í gær

Félagi í Sósíalistaflokknum segir að sér hafi liðið sérkennilega eftir skyndifund flokksins í gærkvöld – „Þetta var mjög skrýtinn fundur“

Félagi í Sósíalistaflokknum segir að sér hafi liðið sérkennilega eftir skyndifund flokksins í gærkvöld – „Þetta var mjög skrýtinn fundur“
Fréttir
Í gær

Afbrotafræðingur tjáir sig um tálbeituaðgerðir í ljósi manndrápsmálsins – „Villta vestrið leysir ekki málin og notkun tálbeitu er varasöm“

Afbrotafræðingur tjáir sig um tálbeituaðgerðir í ljósi manndrápsmálsins – „Villta vestrið leysir ekki málin og notkun tálbeitu er varasöm“