Líf gerir þar frétt RÚV frá því í hádeginu að umtalsefni en í henni kom fram að á sumum heimilum væru margra ára birgðir af ókeypis bréfpokum.
Sjá einnig: Höfuðborgarbúar hamstra ruslapoka – Sumir eiga 800 poka eða fleiri á lager
Sorpa mun frá og með deginum í dag hætta að dreifa pappírspokum undir lífrænt sorp í matvöruverslanir. Verða pokarnir aðgengilegir á endurvinnslustöðvum Sorpu eða í verslun Góða hirðisins.
Þegar það spurðist út í haust að til stæði að rukka fyrir pokana brugðu margir á það ráð að hamstra pokana. Eru dæmi um að sum heimili eigi yfir 800 poka á lager eins og fram kom í Þjóðarpúlsi Gallup.
Líf er allt annað en sátt við þá sem safnað hafa pokum til að eiga á lager.
„Að hamstra þessa poka er óafsakanlegt. Til að stóð að hafa pokana endurgjaldslausa og aðgengilega á meðan á innleiðingarferlinu stendur og við venjum okkur við hringrásarhagkerfið.“
Líf telur að hugsanlega væri best að hefja bara sölu á pokunum fyrir sanngjarnt verð.
„Hingað til höfum við keypt alla aðra poka, hvort sem þeir heita maíspokar, plastpokar eða taupokar, og af hverju þá ekki þessa fyrst einhverjum hópi fólks tókst að klára með hraði þessa 24 milljón poka sem áttu að duga okkur í einhver ár,“ segir hún og heldur áfram:
„Þetta mál er hið súrasta og fá margir að kenna á því að einhver hópur fólks var bara að hugsa um eigin hagsmuni en ekki hagsmuni umhverfisins, samfélagsins og sameiginlega sjóði okkar.“
