fbpx
Mánudagur 31.mars 2025
Fréttir

Garðabær hefur áhyggjur af áhrifum Coda Terminal á vatnsból

Kristinn H. Guðnason
Föstudaginn 27. september 2024 16:30

Málið var rætt í skipulagsnefnd í gær.

Ekki missa af Helstu tíðindum dagsins í pósthólfið þitt

Lesa nánar

Skipulagsnefnd Garðabæjar hefur áhyggjur af því að ekkert er minnst á vatnsbólin norðaustan við Kleifarvatn í greiningarvinnu tengdu Coda Terminal í Hafnarfirði. Einnig telur nefndin að leita hefði átt umsagnar Garðabæjar við umhverfismat þar sem framkvæmdin hafi áhrif innan marka bæjarins.

Þetta kom fram í meðferð málsins á fundi skipulagsnefndar Garðabæjar í gær, 26. september.

Mikið hefur verið fjallað um Coda Terminal, niðurdælingarverkefni Carbfix sunnan við Vallahverfið í Hafnarfirði. Stór hópur íbúa hefur barist gegn verkefninu og þrýst á um íbúakosningu. Hafa margir íbúar áhyggjur af raski grunnvatns og fleiru.

Á fundinum lét nefndin bóka að tekið væri undir atriði sem koma fram í umsögn Umhverfisstofnunar um málið, það er þann 29. ágúst. Í umsögninni segir að lítið sem ekkert hafi verið fjallað um áhrif framkvæmdarinnar á yfirborðsvatnshlotið né grunnvatnshlotið Kleifarvatn þó svo að töluverðra áhrifa sé þar að vænta, eða eins meters hækkun grunnvatns. Ekki sé heldur gert grein fyrir áhrifum á grunnvatnshlotið Stór-Reykjavík eða yfirborðshlotið Vífilsstaðavatn.

Sjá einnig:

Garðabær óskar eftir skýringum frá Hafnarfjarðarbæ vegna Coda Terminal – Gæti haft áhrif á grunnvatn í Garðabæ

„Skipulagsnefnd tekur undir þau atriði sem koma fram í umsögn Umhverfisstofnunar um að gera þurfi grein fyrir áhrifum á yfirborðsvatnshlotið og grunnvatnshlotið Kleifarvatn,“ segir í bókun nefndarinnar. „Nefndin minnir auk þess á að í greinargerð heildarendurskoðunar vatnsverndar á höfuðborgarsvæðinu eru tilgreindar niðurstöður úr greiningarvinnu Vatnaskila. Þar kemur m.a. fram að einn af framtíðarmöguleikum vatnsöflunar á höfuðborgarsvæðinu er í Fagradal norðaustan við Kleifarvatn en ekki verður séð að minnst sé á þann álitlega vatnstökustað, hvorki í umhverfismatsskýrslu né í umsögnum.“

Þar sem áhrif á grunnvatn séu metin óviss í umhverfismati vill nefndin passa upp á að vöktun og mótvægisaðgerðum verði framfylgt. Einnig að leita hefði átt umsagnar Garðabæjar við umhverfismatið. Hugsanleg áhrif framkvæmdarinnar teygi sig inn fyrir bæjarmörk Garðabæjar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

RÚV gefur út leiðréttingu vegna umfjöllunar Spegilsins um mál Ásthildar Lóu – „Fréttastofa RÚV harmar þessi mistök“

RÚV gefur út leiðréttingu vegna umfjöllunar Spegilsins um mál Ásthildar Lóu – „Fréttastofa RÚV harmar þessi mistök“
Fréttir
Fyrir 2 dögum

Segir að öll athygli verði á sér á stóru stundinni – ,,Þeir verða undir minni pressu“

Segir að öll athygli verði á sér á stóru stundinni – ,,Þeir verða undir minni pressu“
Fréttir
Fyrir 2 dögum

„Næstu dagar voru hræðilegir vegna fráhvarfseinkenna“

„Næstu dagar voru hræðilegir vegna fráhvarfseinkenna“
Fréttir
Fyrir 2 dögum

Íslenskir og breskir skipstjórar hittust í fyrsta sinn síðan í þorskastríðunum – Notuðu kartöflur sem vopn

Íslenskir og breskir skipstjórar hittust í fyrsta sinn síðan í þorskastríðunum – Notuðu kartöflur sem vopn
Fréttir
Fyrir 2 dögum

Mál Írisar Helgu vindur upp á sig – Boðið að samþykkja nálgunarbann og sagðist saklaus af umsáturseinelti degi síðar

Mál Írisar Helgu vindur upp á sig – Boðið að samþykkja nálgunarbann og sagðist saklaus af umsáturseinelti degi síðar
Fréttir
Fyrir 2 dögum

Landsréttur felldi niður refsingu nauðgara

Landsréttur felldi niður refsingu nauðgara
Fréttir
Fyrir 2 dögum

Útsmognir þjófar á ferð: „Það var eins og hann væri að stimpla sig inn til vinnu“

Útsmognir þjófar á ferð: „Það var eins og hann væri að stimpla sig inn til vinnu“
Fréttir
Fyrir 2 dögum

Margir eiga von á sekt eftir að lögregla var með eftirlit í Breiðholti

Margir eiga von á sekt eftir að lögregla var með eftirlit í Breiðholti