Þetta er mat margra sérfræðinga á sviði gervihnattarmynda og í flugskeytum og kjarnorkuvopnum. Telja þeir að Satan-2 hafi sprungið fyrir mistök fyrir nokkrum dögum og gjöreyðilagt skotsvæðið.
Talið er að þetta hafi gerst einhvern tímann á tímabilinu 19. til 21. september. Rússar hafa ekki tjáð sig um þetta. Ef flugskeytið sprakk í raun og veru, þá er það gríðarleg áfall fyrir Rússa því vopnið á að vera eitt öflugasta vopn þeirra, vopnið sem óvinir landsins óttast mest.
„Það er stór hola í jörðinni,“ sagði Pavel Povig, aðalgreinandi Russian Nuclear Force Project í Sviss, á einföldu máli þegar hann ræddi við Reuters. Hann bætti síðan við að alvarlegur hlutur hafi átt sér stað varðandi flugskeytið og skotstaðinn.
Flugskeytið á að sögn að geta flogið 18.000 kílómetra með allt að 16 kjarnaodda sem geta gjöreytt svæði sem sjö sinnum stærra en Ísland. Tilraunaskotið átti að fylgja í kjölfar beinna og óbeinna hótana Rússa um að beita kjarnorkuvopnum.
Slíkar hótanir hafa færst í aukana að undanförnu vegna mikils þrýstings frá Úkraínumönnum að fá að nota vestræn flugskeyti til árása á rússneskt landsvæði.