fbpx
Laugardagur 21.desember 2024
Fréttir

„Þetta er bara stórkostlegt gáleysi af fólkinu sem stýrir verkinu“

Ritstjórn DV
Föstudaginn 6. september 2024 09:30

Ekki missa af Helstu tíðindum dagsins í pósthólfið þitt

Lesa nánar

Engar sérstakar öryggiskröfur virðast hafa talist nauðsynlegar þegar ráðist var í sprungufyllingu við Vesturhóp 29 í Grindavík í janúar síðastliðnum. Lúðvík Pétursson, fjögurra barna faðir og afi, lést þegar hann féll ofan í sprungu við húsið þann 10. janúar síðastliðinn.

Í nýjasta tölublaði Heimildarinnar í dag fjallar Helgi Seljan um málið og vísar meðal annars í rannsóknargögn lögreglu og skýrslur þeirra sem komu að málinu. Í umfjölluninni kemur fram að samkvæmt skýrslu tveggja matsmanna, rúmum mánuði áður en slysið varð, hafi komið fram að ekki hafi svarað kostnaði að bjarga húsinu.

„Þetta er bara stórkostlegt gáleysi af fólkinu sem stýrir verkinu,“ er haft eftir samstarfsmanni Lúðvíks í vitnaskýrslu hjá lögreglu. Umrætt verk, að fylla í sprunguop við húsið, var unnið fyrir Náttúruhamfaratryggingar Íslands sem útvistaði því til verkfræðistofunnar Eflu.

Í umfjöllun Heimildarinnar er vísað í orð samstarfsmanns Lúðvíks í framburði hans hjá lögreglu að ekki hafi verið talað um öryggislínur og ekki hefði verið talið nauðsynlegt að nota áfastar jarðvegsþjöppur „sem hefði náttúrlega allan daginn átt að vera … ekki til neitt verklag um þetta hjá

neinum,“ lýsti samstarfsmaðurinn.

Í Heimildinni kemur fram að Náttúruhamfaratryggingar Íslands vísi ábyrgð á undirbúningi, áhættumati og framkvæmd verksins á Eflu. Verkfræðingur hjá Eflu hafi aftur á móti sagt að ekkert áhættumat hefði verið gert og engin krafa hefði verið um slíkt. „Það er í raun og veru enginn sem gerir neinar kröfur, sko,“ segir verkfræðingur hjá Eflu.

Blaðið ræðir einnig við eiganda hússins Vesturhóp 29 sem lýsir furðu sinni á því að ráðist hafi verið í það verk að fylla í sprungur við húsið. „Við vildum ekki, skildum ekki og óskuðum ekki eftir þessum aðgerðum, alls ekki.“

Ítarlega er fjallað um málið í nýjasta tölublaði Heimildarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Árni bendir lögreglu á að hann gengur enn laus – „Hvað veldur?“

Árni bendir lögreglu á að hann gengur enn laus – „Hvað veldur?“
Fréttir
Í gær

Óánægjualda vegna nafnsins á Pablo Discobar – Jón Bjarni segir merkilegt að vera slaufað í Kólumbíu

Óánægjualda vegna nafnsins á Pablo Discobar – Jón Bjarni segir merkilegt að vera slaufað í Kólumbíu
Fréttir
Í gær

Óvenjulegt þjófnaðarmál í Grímsnesi: „Við höfum aldrei áður lent í neinu þessu líku“

Óvenjulegt þjófnaðarmál í Grímsnesi: „Við höfum aldrei áður lent í neinu þessu líku“
Fréttir
Í gær

Fullyrt að Kristrún verði forsætisráðherra og eitt ráðuneyti verði lagt niður

Fullyrt að Kristrún verði forsætisráðherra og eitt ráðuneyti verði lagt niður
Fréttir
Í gær

Viðvörunarhljóð í Kringlunni og öllum gestum Hagkaupa vísað á dyr – Reyndist ástæðulaus ótti

Viðvörunarhljóð í Kringlunni og öllum gestum Hagkaupa vísað á dyr – Reyndist ástæðulaus ótti
Fréttir
Fyrir 2 dögum

Þegar hægri öflin á Íslandi ræða háa skatta gleymi þau að nefna að skattar á ríka Íslendinga eru með þeim lægstu

Þegar hægri öflin á Íslandi ræða háa skatta gleymi þau að nefna að skattar á ríka Íslendinga eru með þeim lægstu