fbpx
Miðvikudagur 12.mars 2025
Fréttir

Lögreglan birtir myndband um hvernig rafbyssur verða notaðar – „Heftir tímabundið viljastýrðar vöðvahreyfingar einstaklinga í fimm sekúndna hrinum“

Kristinn H. Guðnason
Miðvikudaginn 21. ágúst 2024 20:00

Lögreglan tekur rafbyssur í notkun í næsta mánuði. Myndir/Youtube

Ekki missa af Helstu tíðindum dagsins í pósthólfið þitt

Lesa nánar

Lögreglan á höfuðborgarsvæðinu hefur birt tvö myndbönd í aðdraganda þess að rafbyssur verða teknar í notkun. Annað fjallar einvörðungu um þær en hitt um allan búnaðinn sem lögreglumenn bera.

„Það sem rafvarnarvopnið gerir er að það heftir tímabundið viljastýrðar vöðvahreyfingar einstaklinga í fimm sekúndna hrinum. Að þessum fimm sekúndum loknum rýfur rafvarnarvopnið strauminn sjálfkrafa þannig að það er ekki eitthvað sem við þurfum að muna eftir í mjög streituvaldandi aðstæðum heldur gerist það bara sjálfkrafa,“ segir lögreglukona í myndbandinu sem birt var á Youtube í dag.

Lögregluembættin fá rafbyssur, sem kallaðar eru „rafvarnarvopn“ í myndböndunum, í byrjun september. Rafbyssuvæðingin hefur verið mikið til tals á undanförnum árum og skiptist fólk í hópa á með eða móti. Samkvæmt könnun styðja um 50 prósent að lögreglumenn beri rafbyssur en 30 prósent eru mótfallin.

12 metra fjarlægð

Í öðru myndbandinu er greint frá því að lögreglan muni nota vopn að gerðinni Taser 10. Sagt er að þetta séu nýjustu og öruggustu vopnin á markaði sem hafi jafn framt lægri spennu en eldri gerðir. Aðeins menntaðir lögreglumenn sem hafi farið á námskeið beri slík vopn.

Sjá einnig:

Lögreglumenn vopnast rafbyssum innan skamms

Rafbyssurnar geri lögreglumönnum kleift að beita valdi úr meiri fjarlægð, það er úr allt að 12 metra fjarlægð. Það veiti bæði lögreglumönnum og öðrum borgurum meira öryggi ef ekki þurfi að fara í návígi við hættulega einstaklinga til að handtaka þá.

Fimm stig

Lýst er fimm stigum í stigmögnun valdbeitingar, það er tilraun til að lækka spennustigið í aðstæðunum. Fyrsta skrefið er að tilkynna viðkomandi að lögreglumaður sé með rafbyssu. Annað skrefið er að taka hana úr slíðrinu og sýna viðkomandi hana. Þriðja skrefið er að taka öryggið af og ræsa tækið. Fjórða er að senda viðvörunarhljóð úr rafbyssunni.

„Þetta sýnir að okkur er alvara um að beita tækinu,“ segir í lögreglukonan í myndbandinu og leyfir áhorfendum að heyra hvernig þetta hljóð er.

Fimmta stigið er svo að beita rafbyssunni. Þá er að minnsta kosti tveimur pílum skotið í einstaklinginn. Þessar pílur verða að rjúfa húðina og ná tengingu í líkamanum til þess að raflömunin geti átt sér stað.

Þegar rafbyssan er tekin úr slíðrinu fer búkmyndavélin sjálfkrafa í gang og tekur upp. Þetta á að auðvelda allt eftirlit með notkun rafbyssanna. Dómsmálaráðherra hafi þegar skipað nefnd sem fari yfir hvert einasta tilfelli sem rafbyssa komi við sögu, ekki aðeins þegar þeim sé beitt.

Trúa því að vopnin verði lítið notuð

Segir lögreglukonan að það sé skiljanlegt að almenningur hafi áhyggjur af þessu nýja valdbeitingartæki og því sé mikilvægt að kynna virknina. Það sé hins vegar trú lögreglunnar að þessi vopn verði lítið notuð, rétt eins og önnur valdbeitingartæki lögreglunnar.

Í hinum myndbandinu fer lögreglumaður yfir helstu tæki og tól sem lögreglumenn bera á sér. Það er skot og stunguhelt vesti, talstöð, búkmyndavél, verkfæri, sjúkrabúnað, vasaljós og valdbeitingartæki eins og handjárn, piparúða, kylfu og rafbyssu.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Sjötugur karlmaður ákærður fyrir að stela um 40 milljónum úr dánarbúi móður sinnar – Lagði fimm milljónir inn á dóttur sína

Sjötugur karlmaður ákærður fyrir að stela um 40 milljónum úr dánarbúi móður sinnar – Lagði fimm milljónir inn á dóttur sína
Fréttir
Fyrir 18 klukkutímum

Skarphéðinn nýr framkvæmdastjóri Sagafilm

Skarphéðinn nýr framkvæmdastjóri Sagafilm
Fréttir
Fyrir 21 klukkutímum

Hopp harmar skemmdarverkið á Seltjarnarnesi – Afhentu lögreglu upplýsingar um notandann

Hopp harmar skemmdarverkið á Seltjarnarnesi – Afhentu lögreglu upplýsingar um notandann
Fréttir
Fyrir 22 klukkutímum

Dagbjört komin í opið fangelsi eftir aðeins 15 mánaða afplánun – Fékk 16 ár fyrir að pynta mann til dauða

Dagbjört komin í opið fangelsi eftir aðeins 15 mánaða afplánun – Fékk 16 ár fyrir að pynta mann til dauða
Fréttir
Í gær

Gagnrýna rússnesk yfirvöld – Gáfu mæðrum fallinna hermanna hakkavél

Gagnrýna rússnesk yfirvöld – Gáfu mæðrum fallinna hermanna hakkavél
Fréttir
Í gær

Er þetta síðasta varnarlínan gegn Trump? – Virkar hún?

Er þetta síðasta varnarlínan gegn Trump? – Virkar hún?
Fréttir
Í gær

Skúli inntur svara um meinta reimleika í Hvammsvík eftir að ferðamenn flúðu í ofboði – „Þetta eru draugar í fleirtölu“

Skúli inntur svara um meinta reimleika í Hvammsvík eftir að ferðamenn flúðu í ofboði – „Þetta eru draugar í fleirtölu“
Fréttir
Í gær

Íbúar fengið nóg og kalla eftir aðgerðum: „Alveg sama hvað þú gerir, alltaf lendirðu á vegg“

Íbúar fengið nóg og kalla eftir aðgerðum: „Alveg sama hvað þú gerir, alltaf lendirðu á vegg“