Þetta segir Igor Novikov, fyrrum ráðgjafi Volodymyr Zelenskyy, Úkraínuforseta, í utanríkismálum. Hann segir að með innrásinni sé verið að bregðast við blekkingum Rússa og gefa Úkraínumönnum möguleika á að komast hjá ósigri með því að skipta úr „hakkavélar“ stríði yfir í aðra tegund stríðs.
Sky News segir að samkvæmt því sem Novikov segi, þá hafi það mikil sálfræðileg áhrif að senda úkraínska hermenn inn í Rússland. „Aðalmarkmiðið með þessu er að raska jafnvægi rússnesku elítunnar. Rússland er ekki einsleitt. Auðvitað er Pútín á toppnum en það eru margir mismunandi leikmenn í valdataflinu og þetta mun vonandi vekja suma þeirra til vitundar um að Pútín hefur gengið of langt.“
Hvað varðar rússneskan almenning þá sagði hann: „Nú er stríðið komið til hans. Þetta er áminning fyrir almenning um að hugsa og íhuga af alvöru hvað hann stendur fyrir og hvað ríkisstjórnin stendur fyrir.“
Hann sagði að í Úkraínu hafi innrásin gert „töfra“ fyrir móral landsmanna. Nú séu Rússar í vörn og það sé fólk ánægt með.
Hann sagði einnig að það sé ekki hægt að sigra Rússa í hefðbundnu stríði því þeir hafi yfir miklu fleiri mönnum og búnaði að ráða. Án stuðnings Vesturlanda þá myndi Úkraína tapa að lokum. Með því að grípa til óhefðbundins hernaðar, eigi Úkraína möguleika á að komast hjá því að tapa stríðinu.
