fbpx
Mánudagur 12.ágúst 2024
Fréttir

Guðrúnu var brugðið þegar hún heimsótti Litla-Hraun 

Ritstjórn DV
Mánudaginn 12. ágúst 2024 14:30

Ekki missa af Helstu tíðindum dagsins í pósthólfið þitt

Lesa nánar

Guðrún Hafsteinsdóttir dómsmálaráðherra viðurkennir að henni hafi verið brugðið þegar hún heimsótti Litla-Hraun skömmu eftir að hún tók við ráðaherrastöðunni á síðasta ári.

Guðrún hefur heimsótt öll fangelsi landsins að Kvíabryggju undanskilinni og ræddi hún stöðu mála í Bítinu á Bylgjunni í morgun.

Töluvert hefur verið rætt og ritað um stöðu fangelsismála og ekki síst öryggi fangavarða eftir að fangi réðst á þrjá fangaverði á dögunum með þeim afleiðingum að þeir þurftu að leita aðhlynningar á spítala.

Heiðar Smith, formaður félags fangavarða, sagði í Bítinu í síðustu viku að sá hópur sem afplánar sé orðinn erfiðari og algengara sé að andlega veikt fólk afpláni dóma. Kvaðst hann vonast til þess að árásin á dögunum verði til þess að brugðist verður við.

Guðrún sagði í Bítinu að hún hefði haft áhyggjur af starfsumhverfi fangavarða og erfiðu ástandi innan fangelsa landsins. Þá hefði hún haft áhyggjur af þeirri aðstöðu sem föngum, fangavörðum og aðstandendum fanga er boðið upp á, sérstaklega á Litla-Hrauni.

„Mér var mjög brugðið að koma á Litla-Hraun,“ sagði Guðrún í viðtalinu og benti á að aðalbyggingin hefði verið byggð árið 1929. „Hún var ekki byggð sem fangelsi heldur sem sjúkrahús fyrir Sunnlendinga en aldrei tekin í notkun sem slík.“

Síðan þá hefur verið byggt ítrekað við aðalbygginguna og er starfsemin nú í alls um níu húsum.

„Húsakosturinn er má segja nær allur óviðunandi og lélegur og þess vegna ákvað ég á mínum fyrstu vikum í embætti að hefja tafarlaust uppbyggingu á nýju fangelsi,“ sagði Guðrún og bætti við að eins og staðan er í dag sé erfitt að tryggja öryggi fanga og starfsmanna, þar á meðal fangavarða. Guðrún kveðst binda vonir við að nýtt fangelsi verði byggt hratt upp nú þegar þarfagreiningu er lokið og komin drög að teikningum.

Guðrún tók undir orð Heiðars Smith þess efnis að staða margra fanga sé þyngri en hún hefur oft verið. Aðspurð hvort til greina kæmi að fangaverðir fengju rafbyssur eins og lögreglan sagði Guðrún að engin ákvörðun hefði verið tekin um slíkt. „Það er bara eitthvað sem verður skoðað í framhaldinu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Lét braka í fingrum í sífellu -Var nær dauða en lífi – Missti einn fingur

Lét braka í fingrum í sífellu -Var nær dauða en lífi – Missti einn fingur
Fréttir
Í gær

Fyrrum forstjóri Youtube látin – Átta mánuðum eftir að 19 ára sonur hennar lést með vofveiflegum hætti

Fyrrum forstjóri Youtube látin – Átta mánuðum eftir að 19 ára sonur hennar lést með vofveiflegum hætti
Fréttir
Fyrir 3 dögum

Hatur gaus upp eftir að Sjálfstæðisflokkurinn setti regnbogann í merkið – „Eru bara hommar og lesbíur í Sjálfstæðisflokknum?“

Hatur gaus upp eftir að Sjálfstæðisflokkurinn setti regnbogann í merkið – „Eru bara hommar og lesbíur í Sjálfstæðisflokknum?“
Fréttir
Fyrir 3 dögum

Bátavogsmálið: Matsmaður taldi að þrýst hafði verið á háls hins látna með hné

Bátavogsmálið: Matsmaður taldi að þrýst hafði verið á háls hins látna með hné