Í voru björgunarsveitir á Blönduósi og Hvammstanga boðaðar út vegna ferðamanns sem hafði slasast efst í Borgarvirki.
Borgarvirki er gamall gostappi, hamrabelti milli Vesturhóps og Víðidals.
Ferðamaðurinn þurfti flutning í sjúkrabörum niður af klettaborginni. Sjúkraflutningar fóru einnig á staðinn.
Þegar útkallið barst þótti ástæða til að senda björgunarsveitir í forgangsakstri á staðinn.
Þegar björgunarfólk var komið á staðinn varð ljóst að betur hafði farið en leit út um tíma. Búið var um hinn slasaða í sjúkrabörum og hann borinn niður klettaborgina að göngustíg og tröppum síðasta spöl og í sjúkrabíl sem flutti viðkomandi til aðhlynningar á næstu heilsugæslustöð.