Ismail Haniyeh, leiðtogi Hamas-samtakanna, var drepinn með fjarstýrðri sprengju sem hafði verið komið fyrir á dvalarstað hans í Tehran, höfuðborg Íran, mörgum mánuðum fyrr. Þetta kemur fram í umfjöllun New York Times um morðið.
Fyrstu fregnir af andláti hans þann 31. júlí síðastliðinn voru þær að um loftárás hafi verið að ræða en það virðist ekki hafa verið á rökum reist. Í umfjöllun New York Times kemur fram að sprengjunni hafi verið komið fyrir í herbergi gistiheimilis þar sem Haniyeh hafði vanið komur sína og sprengjan síðan sprengd með fjarstýringu þegar Hamas-leiðtoginn var kominn inn í herbergið.
Haniyeh var staddur í írönsku höfuðborginni til þess að verra viðstaddur innsetningu nýkjörins forseta Írans. Hafa Íranir og Hamas-samtökin sagt að Ísraelar beri ábyrgð á aftökunni en því hafa Ísraelsmenn hvorki játað né neitað hingað til.
New York Times hefur eftir heimildarmanni að Ísraelar beri sannarlega ábyrgð á verknaðinum og að Bandaríkjamenn, helstu bandamenn þeirra, hafi eingöngu fengið upplýsingarnar eftir að Haniyeh var allur.