fbpx
Fimmtudagur 03.apríl 2025
Fréttir

Bálreið yfir Brákarborgarfúskinu sem mun kosta skattgreiðendur stórfé – Varað við torfþaki og olli pólitískur þrýstingur klúðrinu?

Ritstjórn DV
Þriðjudaginn 30. júlí 2024 17:30

Brákarborg Mynd/Reykjavíkurborg

Ekki missa af Helstu tíðindum dagsins í pósthólfið þitt

Lesa nánar

Ljóst er að mikil óánægja kraumar innan borgarstjórnar Reykjavíkur og víðar með tímabunda lokun leikskólans Brákarborgar á Kleppsvegi. Kaup borgarinnar á húsnæðinu, sem meðal annars hýsti kynlífstækjaverslunina Adam og Evu, vakti mikið umtal árið 2021 og ekki síst áætlanir um umbreytingu húsnæðisins í leikskóla. Ljóst var að verðmiðinn var ógnarhár, um 1,6 milljarðar króna í heildina, og töluðu borgarfulltrúar á þeim tíma, meðal annars Vigdís Hauksdóttir, oddviti Miðflokksins og Eyþór Arnalds, oddviti Sjálfstæðisflokksins, um að nýtt Braggamál væri á ferðinni.

Þau tíðindi, nú tveimur árum eftir opnun skólans, að loka þurfi byggingunni vegna þess að burðarvirki þess þolir ekki þunga torfþaksins sem þar var komið fyrir gerir lítið til að slá á þær raddir.

Sjá einnig: Segja enn eitt fjármálaklúðrið sé í uppsiglingu hjá Reykjavíkurborg – Breyta kynlífshjálpartækjabúð í leikskóla fyrir 1,6 milljarð

Olli pólitískur þrýstingur klúðrinu?

Ljóst er að mikill kostnaður mun hljótast af því fyrir Reykjavíkurborg að lagfæra þakið og skemmdirnar sem og að útbúa bráðabirgðahúsnæði undir starfsemina í Ármúla næstu mánuðina.

Helgi Áss Grétarsson, varaborgarfulltrúi Sjálfstæðisflokksins, sagði í aðsendri grein á Vísi í gær að komast þurfti til botns í málinu og hvar ábyrgðin á klúðrinu lægi. Rifjaði hann meðal annars upp að mikill pólitískur þrýstingur á að klára höfuðstöðvar Orkuveitunnar á sínum tíma varð til þess að fúsk var látið viðgangast sem hafði skelfilegar afleiðingar fyrir skattgreiðendur.

„Til þess ber að líta að það var töluvert kappsmál fyrir þáverandi borgarstjóra og hans flokk að Brákarborg yrði reist um það leyti sem borgarstjórnarkosningar færu fram vorið 2022. Nærtækt er því að spyrja hvort einhver pólitískur þrýstingur hafi verið til staðar á þá sem unnu að framvindu Brákarborgarverksins,“ spyr Helgi Áss.

Helgi Áss Grétarsson

Vöruðu við torfþaki

Kolbrún Baldursdóttir, oddviti Flokks Fólksins, er á sömu línu og Helgi í aðsendri grein í morgun. Segir hún málið grafalvarlegt og það verði að rannsaka í þaula. Segir hún að Flokkur Fólksins hafi lagt fram bókun þar sem lýst var yfir efasemdum varðandi fyrirhugað torfþak á Brákarborg en talað hafi verið fyrir daufum eyrum.

Benti hún á að torfþök fyrri alda hérlendis voru byggð í halla en ekki á flötum þökum. „Sú þekking kann að hafa glatast meðal hönnuða?,“ spyr Kolbrún kaldhæðin.

Kolbrún Baldursdóttir

Þá segir Kolbrún og Helgi Áss málið sérstaklega vandræðalegt í ljósi þess að húsnæðið fékk umhverfisverðlaun Grænu skóflunnar haustið 2022 fyrir bygginguna. Þau verðlaun voru umdeild í ljósi þess að starfsemi var ekki hafin í leikskólanum en Helgi Áss rifjar upp sigrihróstandi Twitter-færslu Dags B. Eggertssonar, þáverandi borgarstjóra.

„Það vakti töluverða athygli þegar við keyptum kynslífshjálpartækjaverslun (sic) til að umbreyta honum í leikskóla. Það var sagt áhættusamt, dýrt og rétt væri að rífa. Í gær fékk borgin umhverfisverðlaun fyrir lágt kolefnisspor, græna og vel heppnaða framkvæmd. „Aldrei hætta að þora!“,“ skrifaði Dagur B. á þeim tíma.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Trump tilkynnir um tolla á innflutning – „Dagur frelsunar“

Trump tilkynnir um tolla á innflutning – „Dagur frelsunar“
Fréttir
Fyrir 18 klukkutímum

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína
Fréttir
Fyrir 20 klukkutímum

Innbrotsþjófar komust undan á flótta eftir átök við húsráðanda

Innbrotsþjófar komust undan á flótta eftir átök við húsráðanda
Fréttir
Fyrir 20 klukkutímum

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin
Fréttir
Í gær

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Í gær

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”