Átján eru látnir eftir að flugvél brotlenti skömmu eftir flugtak á Tribhuvan-alþjóðaflugvellinum í Kathmandu, höfuðborg Nepals, í morgun.
Flugstjóri vélarinnar var sá eini sem komst lífs af, en hann var fluttur á sjúkrahús eftir slysið en mun ekki vera í lífshættu, að því er fram kemur í frétt AP.
Rannsókn slyssins er á frumstigi en um borð í vélinni voru 17 farþegar, auk flugstjórans og flugmanns sem lést. Sautján þeirra sem létust voru nepalskir ríkisborgarar en einn var af öðru þjóðerni.