Maður hefur verið ákærður fyrir sérstaklega hættulega líkamsárás sem var framin aðfaranótt sunnudagsins 17. apríl árið 2022 við barinn á ótilteknum skemmtistað, líklega á Selfossi.
Hinn ákærði er sagður hafa slegið annan mann með glerglasi í höfuðið með þeim afleiðingum að brotaþolinn hlaut litla skurði fyrir aftan eyra.
Héraðssaksóknari krefst þess að hinn ákærði verði dæmdur til refsingar og greiðslu alls sakarkostnaðar.
Aðalmeðferð verður í málinu við Héraðsdóm Suðurlands þann 19. ágúst næstkomandi.