fbpx
Fimmtudagur 30.janúar 2025
Fréttir

Ungur pólskur maður lést á Skálafellsjökli – „Mamma, ég er á lífi“ voru síðustu skilaboðin heim

Kristinn H. Guðnason
Miðvikudaginn 17. júlí 2024 16:30

Dawid (til vinstri) og Ignacy (til hægri) skömmu áður en hinn síðarnefndi lést. Mynd/Instagram

Ekki missa af Helstu tíðindum dagsins í pósthólfið þitt

Lesa nánar

22 ára gamall pólskur maður lést á göngu á Skálafellsjökli í byrjun mánaðar. Hann hét Ignacy Stachura og var búsettur á Íslandi. Fjölskylda hans safnar nú fyrir flutningi líksins heim til Póllands.

Þann 5. júlí var greint frá því að leitað væri að göngumanni á Skálafellsjökli í Vatnajökli. Þyrla var send af stað sem og sleðaflokkur frá Björgunarfélaginu til að leita að manninum sem talinn var einn á ferð en gönguleiðin var afar krefjandi. Degi seinna var greint frá því að göngumaðurinn hefði fundist látinn fyrir botni Birnudals.

Nú er greint frá því í pólskum miðlum að maðurinn hafi verið Ignacy. En það var fjallgöngubloggari að nafni Dawid Siodmiak, félagi Ignacy, einnig búsettur hér, sem sagði sögu hans á Instagram.

Segir hann að Ignacy hafi búið og starfað á Íslandi og þegar hann átti frí fór hann alltaf að ganga á fjöll. Hann hafði þegar náð mörgum áföngum í göngum síðan, sem hann fór stundum með Dawid. Meðal annars að ganga á Hvannadalshnjúk, hæsta tind Íslands.

Æfði hverja lausa stund

Ein af síðustu skilaboðunum sem Ignacy sendi heim var ljósmynd af honum á jöklinum með skilaboðunum: „Mamma, ég er á lífi.“

„Við uppfylltum draum okkar um að ganga á hæsta tind Íslands! Eftir það fórum við heim til að vinna. Hvern dag fyrir vinnu fór Ignacy að æfa sig, fór upp í fjöllin og til baka. Á einum frídegi valdi hann að fara meira krefjandi leið, en sneri ekki aftur til okkar… Ég trúi því að við munum hittast á ný á toppi fjallsins!,“ segir Dawid í færslu.

Dawid og Ignacy höfðu aðeins kynnst mánuði áður. En Ignacy starfaði hjá ferðaþjónustufyrirtæki við jöklaferðir.

„Það er sennilega ekki til fallegri staður fyrir áhugamann um fjallgöngur en þessi. Hann kom á bæinn okkar, æfði sig, vann og undirbjó sig undir að uppfylla drauma sína á hverjum degi,“ sagði Dawid.

Safnað fyrir flutningi og jarðarför

Samkvæmt pólska miðlinum TVP Bydgoszcz safnar móðir Ignacy, Agnieszka, nú fyrir flutningi hans heim og jarðarför. En hún starfar sem tónlistarkennari í borginni Torun, í vesturhluta landsins.

„Agnieszka missti son sinn Ignacy í hræðilegu slysi á íslandi. Hún þarf fjárhagslegan stuðning til að flytja lík hans heim til Póllands og skipuleggja jarðarför,“ sagði Justina Sawicka stofnandi fjáröflunarinnar á hópfjármögnunarvefsíðunni Pomagam.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

„Á góðri íslensku heitir þetta skítaveður“

„Á góðri íslensku heitir þetta skítaveður“
Fréttir
Fyrir 19 klukkutímum

Var of lengi að fatta að bíllinn var ekki fjórhjóladrifinn

Var of lengi að fatta að bíllinn var ekki fjórhjóladrifinn
Fréttir
Fyrir 22 klukkutímum

Inga Sæland – Kvótakóngarnir í Mogganum fái tvisvar sinnum hærri styrk en Flokkur fólksins

Inga Sæland – Kvótakóngarnir í Mogganum fái tvisvar sinnum hærri styrk en Flokkur fólksins
Fréttir
Fyrir 23 klukkutímum

Sigmar og Brynjar metast um styrkjamálið: „Þinn flokkur svamlar líka í súpunni“

Sigmar og Brynjar metast um styrkjamálið: „Þinn flokkur svamlar líka í súpunni“
Fréttir
Í gær

Bandarísku börnin sem fundust á Íslandi eftir um 18.000 kílómetra ferðalag – Samantha glímdi við veikindi og óttaðist um líf sitt og dætranna

Bandarísku börnin sem fundust á Íslandi eftir um 18.000 kílómetra ferðalag – Samantha glímdi við veikindi og óttaðist um líf sitt og dætranna
Fréttir
Í gær

Umboðsmaður Alþingis setur ofan í við ríkisskattstjóra – Málsmeðferð ekki í samræmi við lög og óeðlileg afskipti af æðra stjórnvaldi

Umboðsmaður Alþingis setur ofan í við ríkisskattstjóra – Málsmeðferð ekki í samræmi við lög og óeðlileg afskipti af æðra stjórnvaldi
Fréttir
Í gær

Deilur útgerðarfyrirtækja í Vestmannaeyjum við ríkið fara fyrir Hæstarétt

Deilur útgerðarfyrirtækja í Vestmannaeyjum við ríkið fara fyrir Hæstarétt
Fréttir
Í gær

Birgitta og eiginmaður hennar urðu fyrir kynþáttaníði úti á götu – „Við erum með bílnúmerið og vitum hverjir þetta eru“

Birgitta og eiginmaður hennar urðu fyrir kynþáttaníði úti á götu – „Við erum með bílnúmerið og vitum hverjir þetta eru“