Notendur Facebook hafa sennilega orðið varir við það að hver vinur þeirra á fætur öðrum hefur tekið þátt í og deilt leik þar sem fyrirtæki vill gleðja með því að gefa húsbíl.
Ástæðan sögð sú að þar sem á bílnum séu nokkrar beyglur og rispur þá sé ekki hægt að selja hann. Erlendir svindlarar hafa greinilega aldrei heyrt um afslátt vegna galla. Því hér er jú um enn eitt svindlið að ræða sem tröllríður samfélagsmiðlum.
„Enn eitt svindlið kæru vinir. Ekki falla í þessa gryfju…..lesið textann vel og þá sjáið þið vel málfarsvillur og fleira sem gefur vísbendingar um að ekki sé allt með felldu.Svo er gott að spyrja sig líka……af hverju ættu þeir að gefa einhverjum þennan húsbíl til að gleðja hann,“
segir lögreglan á Suðurnesjum í færslu þar sem hún varar fólk við.