Lögregluyfirvöld í Bretlandi hafa borið kennsl á líkamsleifar tveggja manna sem fundust í ferðatöskum við fræga brú í borginni Bristol. Um er að ræða tvo karlmenn, hinn 71 árs gamla breska ríkisborgara Paul Longworth og hinn 62 ára gamla Frakka, Albert Alfonso, sem nýlega hafði öðlast breskan ríkisborgararétt. Menninir voru fyrrum ástmenn en þrátt fyrir að glæðurnar í sambandi þeirra hafi kulnað bjuggu þeir enn saman í íbúð Longworth í Sheperds Bush-hverfi Lundúnna. Daily Mail fjallar um málið og birtir myndir af mönnunum.
Málið hefur vakið mikla athygli en í áðurnefndri íbúð er talið að mennirnir hafi verið myrtir, lík þeirra sundurlimuð og þeim komið fyrir í ferðatöskunum sem síðar fundust við brúnna í Bristol.
Yostin Andres Mosquera, sem er 34 ára gamall, hefur verið ákærður fyrir morðið. Hann þekkti mennina og bjó á heimili þeirra um tíma.
