Lögreglan á höfuðborgarsvæðinu varar landsmenn við svikasímtölum frá innlendum farsímanúmerum.
Um er að ræða svikasímtöl þar sem svikararnir falsa númerin sem er hringt úr (e. spoofing), kynna sig á ensku og segjast vera að hringja frá Microsoft. Viðkomandi reynir að telja fórnarlambinu trú um að Microsoft viti af villu eða bilun í tölvunni þinni og þurfi aðgang að tölvunni til að lagfæra villuna. Einnig reyna þeir að sannfæra viðkomandi um að gefa persónuupplýsingar á borð við ljósmynd af vegabréfi og kreditkortaupplýsingar.
CERT-IS varar við að gefa óþekktum aðila aðgang að tölvunni þinni, fara ekki eftir fyrirmælum frá aðila sem þú þekkir ekki og loka á símtöl sem þú átt ekki von á.
