Einn maður var handtekinn vegna líkamsárásar í hverfi 105 og vistaður í fangageymslu. Kemur þetta fram í dagbók lögreglunnar.

Annar var handtekinn og vistaður í fangageymslu vegna innbrots og þjófnaðar úr heimahúsi í hverfi 111. Og þriðji maðurinn var handtekinn vegna skemmdarverka í hverfi 111 og vistaður í fangageymslu.

Leigubifreiðastjóri lendir í vandræðum með farþega í hverfi 109 sem neitar að borga reikninginn, skýrsla rituð á málið. Tilkynnt var um þjófnað úr verslun í hverfi 221 og einnig í hverfi 270, bæði mál voru afgreidd á vettvangi.

Nokkrir ökumenn voru stöðvaðir, grunaðir um annað hvort akstur undir áhrifum fíkniefna eða ölvunarakstur, voru þeir lausir að lokinni blóðsýnatöku. Ökumaður stöðvaður í akstri í hverfi 104. Bifreiðin var á nagladekkjum og fær ökumaðurinn sekt. Ökumaður stöðvaður í akstri í hverfi 101, reyndist hann vera sviptur ökuréttindum og við leit í bifreiðinni fundust ætluð fíkniefni, laus að lokinni skýrslutöku. 

Einnig var ökumaður stöðvaður í akstri í hverfi 104 fyrir að tala í síma án þess að nota handfrjálsan búnað.

94 mál voru skráð eftir næturvaktina, eitthvað var um aðstoðarbeiðnir vegna veikinda og svo vegna fólks í annarlegu ástandi.