Norska ríkisútvarpið skýrir frá þessu og segir hjarta- og æðasjúkdómar hafi kostað fleiri lífið en reiknað var með en mesta aukningin á síðasta ári sé í flokknum „aðrir sjúkdómar“.
Richard White, vísindamaður, óttast að norsk yfirvöld taki afleiðingum COVID-19 ekki nægilega alvarlega. Arne Søraas, smitsjúkdómalæknir, hvetur norska heilbrigðisráðherrann til að taka eftirköstum COVID-19 alvarlega og íhuga að bjóða þjóðinni upp á bólusetningu.
Preben Aavitsland, forstjóri hjá landlæknisembættinu, telur hins vegar að það sé fátt sem bendi til að eftirköst af COVID-19 leiði til hærri dánartíðni.
Eins og áður sagði létust 378 ungir Norðmenn af völdum sjúkdóma á síðasta ári. Það eru 128 fleiri en reikna mátti með miðað við meðaldánartíðnina í þessum aldurshópi frá 2010 til 2019.
Hjarta- og æðasjúkdómar urðu fleiri að aldurtila en vænta mátti en mesta aukningin var í flokknum „allir aðrir sjúkdómar“. Í þeim flokki eru mest áberandi orsakirnar „aðrir sjúkdómar og óþekktar orsakir“ sem og taugasjúkdómar og andlegir sjúkdómar.
White, sem starfaði áður hjá landlæknisembættinu við málefni tengd of hárri dánartíðni, benti á að í ítarlegri skýrslu komi fram að COVID-19 geti valdið tjóni á öllum líffærum líkamans. Hann hefur áður varað við afleiðingum þess að láta norsku þjóðina takast á við veiruna hvað eftir annað. Í mars spáði hann því að dánartíðnin meðal ungs fólks yrði hærri af völdum margra ólíkra sjúkdóma. Nú er komið á daginn að hann hafði rétt fyrir sér.
Í samtali við Norska ríkisútvarpið benti hann á að mikil aukning hafi orðið í fjarveru frá vinnu og skóla vegna veikinda og sjúkdómar og veikindi hafi færst í aukana eftir að heimsfaraldurinn skall á. „Það eru mörg púsl í þessu púsluspili en enginn horfir á heildarmyndina. Ég tel augljós að COVID-19 leikur lykilhlutverkið í þessu öllu,“ sagði hann.