Guðmundur Emil Jóhannsson einkaþjálfari var dæmdur í 30 daga óskilorðsbundið fangelsi fyrir akstur sviptur ökuréttindum með dómi Héraðsdóms Reykjaness þann 20. júní.
Guðmundur Emil mætti ekki við þingfestingu og boðaði ekki forföll eins og DV greindi frá í gær, en þetta var í þriðja sinn sem hann er tekinn sviptur ökuréttindum.
Sjá einnig: Áhrifavaldurinn Gummi Emil dæmdur í fangelsi
„Það vita allir að ég hjóla útum allt. Bubbi hjólaði líka útum allt lengi. Ég elska hjóla, ég viðurkenni ég keyrði próflaus bláedrú því ég þurfti nauðsynlega að komast milli staða en var tekinn þannig ég seldi bílinn minn. Ég ætla reyna taka þetta út í samfélagsþjónustu, þar sem ég elska ekkert meira en að verða samfélaginu mínu að gagni og elska gera þetta samfélag betra eins og allir í kringum mig vita. Þetta er mér að kenna, ég hefði átt að gera betur!“ sagði Guðmundur Emil í yfirlýsingu.
Hann hefur nú hafið sölu á bolum með áletruninni Free Gemil eða frelsum Gemil, og greinir Vísir frá því að ágóðinn fari upp í málskostnaðinn. Sé dómurinn skoðaður sést hins vegar að engan sakarkostnað leiddi af meðferð málsins. Guðmundi Emil var gert að greiða sektir vegna tveggja fyrri málanna og kemur fram að hann hafi greitt þær.
Auk bolagerðarinnar hefur Guðmundur Emil einnig samið lag um dóminn.
View this post on Instagram