Þann 20. júní síðastliðinn var þingfest fyrir Héraðsdómi Reykjaness mál sem héraðssaksóknari hefur höfðað gegn manni fyrir kynferðisbrot gegn barni.
Atvikið átti sér stað á heimili ákærða aðfaranótt laugardagsins 25. desember árið 2022. Barnung stúlka var sofandi í rúmi sínu þegar maðurinn fór upp í rúmið til hennar og áreitti hana. Vaknaði stúlkan við þetta en maðurinn káfaði á rassi hennar utanklæða og snerti síðan og káfaði á rassi hennar og kynfærum innanklæða. Segir í ákæru að hinn ákærði hafi ekki látið af þessari háttsemi fyrr en stúlkan fór fram úr rúminu og gekk í burtu.
Héraðssaksóknari krefst þess að maðurinn verði dæmdur til refsingar og greiðslu alls sakarkostnaðar.
Fyrir hönd barnsins er farið fram á miskabætur upp á tvær milljónir króna.