Umhverfisverndarsamtök sem kallast Ecologists in Action, eða Vistfræðingar í verki, hafa listað upp 48 strendur á Spáni sem ferðalangar og aðrir beri að varast. Þetta eru sérlega mengaðar strendur, þar sem má meðal annars finna skólp, saur, bleyjur, blautklúta og annan ófögnuð.

Samtökin eru í raun regnhlífarsamtök fyrir yfir 300 umhvefisverndarhópa. Skrifuðu þau ítarlega skýrslu um ástandið af mörgum af vinsælustu ströndum Spánar. Strendur á Kanaríeyjum eru sérstaklega nefndar til sögunnar.

„Eitt af stærstu vandamálunum er túristavæðing strandanna og aukið þéttbýli. Þetta er vandamál sem hrjáir Kanaríeyjar hvað verst,“ sagði talsmaður samtakanna.

Segja samtökin að stjórnmálamenn taki hagsmuni fyrirtækja fram yfir hagsmuni almennings hvað þetta varðar. Stjórnmálamenn gorti sig af brjálæðislegum tölum yfir fjölda ferðamanna á meðan heimamenn væru að kljást við fátækt og atvinnuleysi. Vistspor Kanaríeyja væri sambærilegt við staði sem eru 27 sinnum stærri að flatarmáli.

Sem dæmi er nefnt að á Tenerife sé 57 milljón lítrum af skólpvatni veitt út í hafið á hverjum degi. Þetta er sambærilegt við 17 ólympíuleika sundlaugar af menguðu vatni.

Þetta eru hinar 48 sóðastrandir á Spáni:

1. La Farella, Girona, Katalóníu
2. Ýmsir strandbútar við Costa Brava, Girona, Katalóníu
3. Comarca del Maresme, Barcelona, Katalóníu
4. Sant Adria del Beso, Barcelona, Katalóníu
5. Camino de Ronda, Tarragona, Katalóníu
6. Playa de la Pineda, Tarragona, Katalóníu
7. Playa de L´Estany-Capicorb, Castellon, Valencia
8. Playa de Burriana, Castellon, Valencia
9. Strandbútar í Parque Natural de l´Albufera, Valencia
10. Puerto de Valencia, Valencia
11. Barranco y playa del Amerador, Alcant, Valencia
12. Playas de Cap l´horta, Albufera, Valencia
13. Mar Menor, Murcia
14. Portman Bay og Sierra Minera, Murcia
15. Playa Quitapellejos-Palomares, Almeria, Andalúsíu
16. Playa de El Lancon en Carboneras, Almeria, Andalúsíu
17. Playa de Castell de Ferro, Granada, Andalúsíu
18. Playa Granada y Poniente, Granada, Andalúsíu
19. Playas de Malaga, Malaga, Andalúsíu
20. Coast of Malaga, Malaga, Andalúsíu
21. Tarifa, Cadiz, Andalúsíu
22. Costa de Trafalgar, Cadiz, Andalúsíu
23. Huelva á, Huelva, Andalúsíu
24. El Portil, Huelva, Andalúsíu
25. Aldan River, Pontevedra, Galisíu
26. Arousa á og Pontrevedra á, Pontevedra, Galisíu
27. Minera de Galicia, A Coruna, Galisíu
28. Pereiro á og Ramisquiera á, A Coruna, Galisíu
29. Alcona tjörn, Lugo, Galisíu
30. Galisíuströnd, Lugo, Galisíu
31. Figueres höfn, Asturies
32. Villaviciosa, Asturies
33. Playa de Usgo, Cantabria
34. San Roman de la Llanilla, Cantabria
35. Lamiako fen, Bizkaia, Baskalandi
36. Gernika og Murueta, Bizkaia, Baskalandi
37. Santa Clara eyja, Gipuzkoa, Baskalandi
38. La Concha eyja, Gipuzkoa, Baskalandi
39. Cala Xarraca, Ibiza
40. Playa de Talamanca, Ibiza
41. Melilla höfn, Melilla
42. Melilla flói, Melilla
43. Monte Hacho, Ceuta
44. Playa de Desnarigado, Ceuta
45. Playa Blanca, Lanzarote, Kanaríeyjum
46. Corralejo Dunes, Fuerteventura, Kanaríeyjum
47. La Tejita, Adeja, Tenerife, Kanaríeyjum
48. Norðurströndin, Tenerife, Kanaríeyjum