Þrándur Þórarinsson hefur haslað sér völl sem einn umtalaðasti listmálari þjóðarinnar. Hann syndir oftar en ekki gegn straumnum og þykja málverk hans stundum stuðandi fyrir suma, eins og þessi hér sem sýnir Bjarna Benediktsson kyssa hringinn á fingri Þorsteins Más Baldvinssonar, forstjóra Samherja.

Þrándur birti nýja mynd á Facebook-síðu sinni í gær en hún er vísun í mótmæli sem fram fóru þegar ríkisstjórnin kom saman til fundar síðastliðinn föstudag.

Lögregla beitti piparúða gegn fólki sem kom saman til að mótmæla aðgerðarleysi stjórnvalda í málefnum Palestínu og töldu margir að lögregla hefði gengið full hart fram gegn mótmælendum.

Mynd Þrándar hefur vakið mikla athygli á samfélagsmiðlum og hafa margir deilt henni. „Gífurlega áhrifamikið verk,“ segir einn á meðan annar bætir við: „Þrándur hittir í mark aftur og enn.“

Myndina má sjá hér að neðan:

Þrándur hefur varla undan að mála