Hann deilir viðtali Bítisins á Bylgjunni í morgun við Ólaf Stephensen, framkvæmdastjóra Félags atvinnurekenda, í en í viðtalinu sagði hann að atvinnurekendur væru uggandi yfir fjölgun tilhæfulausra vottorða. Var tilefni viðtalsins við Ólaf einmitt títtnefnd færsla Kristjáns fyrr í vikunni.
Sjá einnig: Fiskikóngurinn ósáttur vegna vafasamra veikindavottorða – „Við atvinnurekendur erum fokking ROLUR“
Í nýrri færslu á Facebook-síðu sinni segir Kristján:
„Það er akkúrat það sem ég hef verið að segja. Vottorð eru gefin út hægri vinstri, af læknum. -Tilhæfulaus vottorð. Sem betur fer er þetta í minnihluta. En það grefur undan og skemmir fyrir þeim sem þurfa á vottorðum að halda og veikjast.“
Kristján bætir svo við að ef uppsögn úr starfi er stærsta áfall sem viðkomandi lendir í á lífsleiðinni þurfi viðkomandi að komast sem fyrst út úr bómullarkörfunni sinni.
„Alveg með ólíkindum að atvinnurekendur láti þetta viðgangast án þess að stappa niður fótunum. Það er líka galið að þeir sem eru á vinnumarkaði láti ekki samstarfsmenn sína heyra það ef þeir eru oft veikir. Ef sá sem vinnur við hliðina á þér er oft veikur, þá eykst álagið á þér til muna og öllum samstarfsmönnum þínum.“
Kristján segir að umræðan um gerviveikindi sé þörf innan hvers vinnustaðar.
„Flest allir vita að það er til fólk sem misnotar veikindi. Þetta kostar samfélagið mikið. Fyrirtækin get ekki hækkað laun á aðra vegna þess að kostnaðurinn er gríðarlegur vegna „gerviveikinda,“ segir hann og talar fyrir samstöðu bæði fyrirtækja og launafólks. „Við erum í þessu saman,“ segir hann og bætir við að virðing sé áunnin en ekki sjálfgefin.
„Fyrirtækin þurfa að sína starfsfólki virðingu. Starfsfólk þarf að sýna fyrirtækinu virðingu.
Ef þetta er gert á báða bóga, þá er ekkert mál að hafa gott atvinnulíf hér. Greiða hæstu launin. Vera með góðan móral og hafa gaman af lífinu. Ef þig langar ekki til þess að vinna lengur hjá þínu fyrirtæki, þá vinsamlegast hættu. Farðu að gera eitthvað sem þér þykir skemmtilegt að gera. Ekki eyða tíma þínum og annarra í vitleysu og leiðindi. Lífið er of stutt til þess.“
