fbpx
Fimmtudagur 03.apríl 2025
Fréttir

Harmleikurinn í Bolungarvík: Bæjarstjórinn býr skammt frá húsinu – „Okkur er mjög brugðið“

Ágúst Borgþór Sverrisson
Þriðjudaginn 28. maí 2024 10:12

Ekki missa af Helstu tíðindum dagsins í pósthólfið þitt

Lesa nánar

„Okkur er mjög brugðið við þessa fréttir. Umrætt hús er ekki nema um hundrað metrum frá húsinu mínu. Ég sé þetta hús út um gluggann,“ segir Jón Páll Hreinsson, bæjarstjóri Bolungarvíkurkaupstaðar, í viðtali við DV, um mannslát í bænum sem núna er til rannsóknar hjá lögreglu. Þessi staðreynd segir mikið um smæð samfélagsins og nálægð íbúa hvert við annað.

Tvær manneskjur á sjötugsaldri létust í íbúðarhúsi í bænum í gær og flutti þyrla Landhelgisgæslunnar mannskap úr tæknideild Lögreglunnar á höfuðborgarsvæðinu á vettvang í gærkvöld til að aðstoða við rannsókn málsins. Lögregla rannsakar andlát tveggja einsktalinga í umræddu húsi en um er að ræða sambýlisfólk á sjötugsaldri. Ekkert bendir til að saknæmur atburður hafi átt sér stað. Tilkynning lögreglu um málið er eftirfarandi:

„Óskað var eftir aðstoð tæknideildar lögreglunnar á höfuðborgarsvæðinu auk réttarmeinafræðings til að taka þátt í vettvangsrannsókn lögreglu. Rannsókn á vettvangi lauk í nótt. Réttarmeinafræðileg rannsókn á líkunum mun fara fram í kjölfarið. Eins og staðan er bendir ekkert til þess að saknæmur atburður hafi átt sér stað. Rannsókn málsins heldur áfram, en ekki er hægt að veita frekari upplýsingar um málið að sinni.“

Harmleikur en engin hætta á ferðum

„Bolungarvík er friðsælt og samheldið samfélag og hefur verið það í þúsund ár. Hugur bæjarbúa er hjá þeim sem eiga um sárt að binda. Við fylgjumst vel með framvindu málsins og setjum okkar traust á að lögreglan muni skýra frá málsatvikum og hvernig málið er statt. Við munum sem sveitarfélag og samfélag vera til staðar fyrir hvert annað og fyrir þau sem eiga um sárt að binda,“ segir Jón Páll ennfremur.

Hann vill taka fram að engin hætta stafi af atburðinum og íbúar séu öruggir: „Bolungarvík er eftir sem áður öruggur staður. „Það er engin hætta á ferðum. Þetta er harmleikur en það er enginn hræddur í Bolungarvík vegna þessa máls.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 16 klukkutímum

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin

Svartir dagar hjá starfsfólki Kamba – Sjötíu sagt upp og fengu ekki greidd laun um mánaðamótin
Fréttir
Fyrir 17 klukkutímum

Gufunesmálið: Þrír sitja núna í gæsluvarðhaldi

Gufunesmálið: Þrír sitja núna í gæsluvarðhaldi
Fréttir
Fyrir 19 klukkutímum

Vilja kanna jarðgangagerð í Reykjavík

Vilja kanna jarðgangagerð í Reykjavík
Fréttir
Fyrir 20 klukkutímum

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Í gær

Skefur ekki utan af hlutunum – „Við getum ekki treyst Bandaríkjunum“

Skefur ekki utan af hlutunum – „Við getum ekki treyst Bandaríkjunum“
Fréttir
Í gær

Er tollastríð Trump bara byrjunin á stórri áætlun? – Mar-a-Lago-áætlunin

Er tollastríð Trump bara byrjunin á stórri áætlun? – Mar-a-Lago-áætlunin