fbpx
Fimmtudagur 03.apríl 2025
Fréttir

Útgáfufélag Viljans úrskurðað gjaldþrota – Samnefndur fjölmiðill mun þó halda sínu striki

Björn Þorfinnsson
Föstudaginn 3. maí 2024 11:01

Björn Ingi Hrafnsson - Skjáskot/Hringbraut

Ekki missa af Helstu tíðindum dagsins í pósthólfið þitt

Lesa nánar

Útgáfufélag Viljans, sem var á bak við rekstur samnefnds fjölmiðils, hefur verið úrskurðað gjaldþrota. Auglýsing þess efnis var birt í Lögbirtingablaðinu í morgun en í henni kemur fram að Héraðsdómur Reykjavíkur hafi kveðið upp úrskurðinn þann 24. apríl síðastliðinn og var hæstaréttarlögmaðurinn Steinunn Guðbjartsdóttir skipuð skiptastjóri.

Skráðir eigendur fyrirtækisins eru Hrafn Björnsson og Björk Gunnarsdóttir, foreldrar fjölmiðlamannsins Björns Inga Hrafnssonar, ritstjóra og ábyrgðarmanns miðilsins. Sú breyting hefur á að í dag er Björn Ingi sjálfur skráður sem eigandi miðilsins samkvæmt Fjölmiðlanefnd. Í samtali við DV sagðist Björn Ingi ekki vilja tjá sig um málið annað en það að Viljinn myndi halda stínu striki.

Tapaði öllum sínum eignum á Pressuævintýrinu

Björn Ingi stofnaði Viljann í nóvember árið 2018 í kjölfar gjaldþrots Pressusamstæðunnar í desember 2017 sem átti meðal annars DV um tíma. Gaf Björn Ingi það út að Viljinn yrði nútímalegur og borgaralega sinnaður vefmiðill. Vakti framgang hans á upplýsingafundum almannvarna í Covid-faraldrinum verulega athygli og kom það Viljanum á kortið. Ben Viljinn virðist halda sínu striki en síðasta frétt, sem fjallaði um forsetakosningarnar, birtist í gær, fimmtudaginn 2. maí.

Þá var greint frá því í októberlok 2022 að skiptum væri lokið í persónulegu gjaldþroti Björns Inga og voru lýstar kröfur í búið 287 milljónir króna. Ekkert fékkst upp í þær kröfur. Björn Ingi sendi frá sér tilkynningu þegar gjaldþrotið var auglýst og sagði það tengjast fjölmiðlarekstri Pressusamstæðunnar

„Ég tapaði öllum mínum eigum á þessu ævintýri og það var mikill lærdómur. Er eftir margra ára varnarbaráttu orðinn málkunnugur fleiri lögfræðingum og stefnuvottum en gott getur talist, þótt flest sé það mikið sómafólk og bara að vinna vinnuna sína, og það verður kannski bara frelsi að setja þetta dæmi alltsaman á bak við sig,“ skrifaði hann í téðri færslu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 15 klukkutímum

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 19 klukkutímum

Fordæma seinagang mennta- og barnamálaráðuneytisins

Fordæma seinagang mennta- og barnamálaráðuneytisins
Fréttir
Fyrir 22 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Fyrir 22 klukkutímum

Evrópskir hermenn eiga að tryggja að Rússar ráðist ekki á ný á Úkraínu

Evrópskir hermenn eiga að tryggja að Rússar ráðist ekki á ný á Úkraínu