fbpx
Fimmtudagur 03.apríl 2025
Fréttir

Eldgosið á Reykjanesi: Sveitabær í skotlínu hraunsins

Kristinn H. Guðnason
Sunnudaginn 17. mars 2024 14:50

Dregið hefur úr gosinu en enn þá er mikil hætta. Mynd/Skjáskot RÚV

Ekki missa af Helstu tíðindum dagsins í pósthólfið þitt

Lesa nánar

Hraunrennsli úr gosstöðvunum á Reykjanesskaga stefnir enn þá í átt til suðurs. Hefur það náð varnargörðum austan við Grindavíkurbæ og líklegt er að það fari yfir Suðurstrandarveg og jafn vel út í sjó.

Hraunið safnaðist fyrir í svokallaðri hrauntjörn, rétt við varnargarðana, sem nú er byrjað að renna úr. Það rennsli getur verið mjög hratt.

Í skotlínu hraunrennslisins er sveitabærinn Hraun sem stendur austan við Grindavíkurbæ. Þrátt fyrir rýmingu fékk ábúandi leyfi til þess að bjarga verðmætum úr húsum í gærkvöldi.

Hægari tunga í átt að innviðum

Önnur hrauntunga stefnir til vestur í átt að Njarðvíkuræð, heitavatnsæð sem liggur frá orkuverinu að Svartsengi að þéttbýlisstöðum á Reykjanesskaga. Þetta rennsli hefur hins vegar verið mun hægara en rennslið til suðurs. Vonast forsvarsmenn HS Orku, sem reka orkuverið, að tungan nái ekki að æðinni en ef hún gerir það þá búast þeir við því að æðin haldi þar sem hún hafi verið mjög vel varin.

Bærinn gæti lokast af

Hraun hefur runnið yfir Grindavíkurveg og Suðurstrandarvegur er lokaður af öryggisástæðum. Eini vegurinn til og frá Grindavík er því Nesvegur. Í samtali við RÚV segir Víðir Reynisson, sviðsstjóri Almannavarna, að landbreytingar hafi átt sér stað vestan við Grindavík, nærri golfvellinum.

Sjá einnig:

Það helsta frá gosstöðvunum:Dregið úr kraftinum en áhyggjur af innviðum

Nesvegur hefur sigið og verið er að meta þörfina á viðgerðum. Hugsanlegt er að allir vegir til og frá Grindavík verði lokaðir.

Gasmengun til suðvesturs í dag

Samkvæmt veðurspá dagsins er norðaustan 8 til 13 metrar á sekúndu með rigningu á köflum. Dregur úr vindi eftir því sem líður á daginn. Gasmengun frá gosinu berst því einkum til suðvesturs frá gosstöðvunum.

Á morgun snýst vindur og verður suðaustan 8 til 13 metrar á sekúndu og skúrir. Mengun mun þá einkum liggja til norðvesturs frá gosstöðvunum. Að sögn Veðurstofunnar er mikil óvissa um styrk gasmengunarinnar.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Nauðgunardómur Vilhelms fer ekki fyrir Hæstarétt

Nauðgunardómur Vilhelms fer ekki fyrir Hæstarétt
Fréttir
Fyrir 15 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 18 klukkutímum

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”
Fréttir
Fyrir 19 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 22 klukkutímum

Pétur mælir ekki með að fólk kaupi allar raðirnar í Lottó – „Þá er hann í vondum málum“

Pétur mælir ekki með að fólk kaupi allar raðirnar í Lottó – „Þá er hann í vondum málum“
Fréttir
Fyrir 23 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Í gær

Segir að Rússar séu reiðubúnir til að herða stríðsrekstur sinn

Segir að Rússar séu reiðubúnir til að herða stríðsrekstur sinn
Fréttir
Í gær

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“