fbpx
Föstudagur 04.apríl 2025
Fréttir

Leggur til nýjan íslenskan alþjóðaflugvöll á óvæntum stað

Ritstjórn DV
Mánudaginn 11. mars 2024 13:00

Ekki missa af Helstu tíðindum dagsins í pósthólfið þitt

Lesa nánar

Jón Ingi Hákonarson, oddviti Viðreisnar í bæjarstjórn Hafnarfjarðar, ritar í dag aðsenda grein á Vísi. Í greininni leggur hann til staðsetningu á nýjum alþjóðaflugvelli á Íslandi. Þessi staðsetning er nokkuð óvænt og hefur ekki farið mikið fyrir henni í umræðum um framtíðarskipan flugvallamála hér á landi, Mýrar í Borgarfirði.

Jón segir jarðhræringar undanfarinna missera á Suðurnesjum neyði Íslendinga til að hugsa margt upp á nýtt, þar á meðal flugvallamálin. Staðsetningar sem hafi verið í umræðunni fyrir nýjan flugvöll komi varla lengur til greina, ekki síst Hvassahraun. Möguleg eldvirkni í Bláfjöllum þrengi síðan að öðrum helstu kostum sem nefndir hafi verið, Hólmsheiði og Suðurland.

Jón leggur því til Mýrar í ljósi þess að byggðaþróun á Suðvesturhorninu verði óhjákvæmilega með öðrum hætti en flestir sáu fyrir sér áður en yfirstandandi tímabil jarðhræringa hóf innreið sína:

„Vaxtarmörk höfuðborgarsvæðisins eru þrengri og eini raunhæfi möguleikinn er að vaxa til norðurs. Vesturlandið mun því vaxa og styrkjast á næstu áratugum. Akranes og Borgarnes munu að öllum líkindum leika stórt hlutverk í þeirri byggðarþróun.“

Hann segir að Mýrar sé mörgum góðum kostum búnar fyrir flugvallastarfsemi og fróðir menn hafi tjáð honum að þar væri hægt að koma fyrir að minnsta kosti tveimur flugbrautum.

Möguleikar á að koma upp stórskipahöfn í Hvalfirði passi vel við að koma flugvelli í gagnið á Mýrum. Þetta gæti liðkað fyrir útflutningi á ferskum fiski frá Akranesi, Snæfellsnesi og Vestfjörðum.

Jón Ingi skorar að lokum á stjórnvöld að kanna kosti þess að koma upp alþjóðaflugvelli á Mýrum til hlítar:

„Flugstöð Egils Skallagrímssonar hljómar ágætlega.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 16 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú