fbpx
Föstudagur 04.apríl 2025
Fréttir

Fundað um rasísk ummæli Helga í Menntaskólanum að Laugarvatni – „Ætla þeir á RÚV að láta grenjandi og illa skeindan Palestínuaraba vinna?“

Ritstjórn DV
Mánudaginn 4. mars 2024 16:32

Helgi Helgason, fyrrum formaður íslensku Þjóðfylkingarinnar, er kennari við ML

Ekki missa af Helstu tíðindum dagsins í pósthólfið þitt

Lesa nánar

Yfirstjórn Menntaskólans á Laugarvatni fundar nú um málefni Helga Helgasonar, kennara við skólann, sem lét til sín taka í umræðum á samfélagsmiðlum um framlag Bashar Murad, Wild West, í Söngvakeppni sjónvarpsins um helgina. Hafa ummælin vakið talsverða athygli en Helgi uppnefndi meðal annars Bashar með rasískum hætti.

„Verða úrslitin í kvöld heiðarleg eða verður þeim hagrætt af RÚV?? Ætla þeir á RÚV að láta grenjandi og illa skeindan Palestínuaraba vinna?,“ skrifaði Helgi meðal annars í upphafi færslu á Facebook-síðu íslensku Þjóðfylkingarinnar en síðar breytti hann færslunni og fjarlægði verstu ummælin.

Upphaflega færsla Helga

Fannst mörgum það ekki sæmandi að framhaldsskólakennari við hefði slíkan talsmáta. Jóna Katrín Hilmarsdóttir. skólameistari ML, staðfestir í samtali við DV að kvartanir hafi borist og verið sé að funda um næstu skref.

„Okkur hafa borist þessar ábendingar. Við höfum verið funda um þetta mál í dag. Menntaskólinn á Laugarvatni lítur þessi ummæli mjög alvarlegum augum. Niðurstöðu í málinu er að vænta í kvöld. Við munum birta yfirlýsingu um málið í fyrramálið eða á hádegi á morgun,“ segir Jóna Katrín.

Helgi hefur farið mikinn á samfélagsmiðlum í aðdraganda Söngvakeppninnar.
Helgi var kosinn fyrsti formaður íslensku Þjóðfylkingarinnar árið 2016 sem bauð fram lista í Suður-, Suðvest­ur- og Norðvest­ur­kjör­dæmi í alþingiskosningunum sama ár en hatrammar deilur urðu til þess að flokkurinn náði ekki að bjóða fram í öðrum kjördæmum. Lagði flokkurinn áherslu á að vernda íslenska þjóðmenningu og fullveldi Ísland auk þess sem flokkurinn hafnaði fjölmenningu og lýsti því formlega yfir að barist yrði gegn því að moskur yrðu reistar hérlendis.
Helgi lét af formennskunni ári síðar en tók síðar við sem varaformaður og hefur verið afar virkur á Facebook-síðu flokksins þar sem hann skrifar iðulega færslur um innflytjendamál.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Fundur um öryggis- og varnarmál Evrópu – Beint streymi

Fundur um öryggis- og varnarmál Evrópu – Beint streymi
Fréttir
Fyrir 20 klukkutímum

Borgfirðingar vilja losna við gamla heiti staðarins – Þessum sjö þorpum tókst það

Borgfirðingar vilja losna við gamla heiti staðarins – Þessum sjö þorpum tókst það
Fréttir
Fyrir 23 klukkutímum

Mál Mohamads ekki fyrir Hæstarétt – Taldi gæslu fimm lögreglumanna hafa hrætt dómara

Mál Mohamads ekki fyrir Hæstarétt – Taldi gæslu fimm lögreglumanna hafa hrætt dómara
Fréttir
Fyrir 23 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Í gær

Sérfræðingur varar við blautum draumi Pútíns – „NATÓ þarf að vera undir þetta búið“

Sérfræðingur varar við blautum draumi Pútíns – „NATÓ þarf að vera undir þetta búið“
Fréttir
Í gær

Afmælisgöngutúrinn breyttist í martröð þegar eiginmaðurinn reyndi þrisvar að myrða hana – „Ég er orðin svo fokking leiður á þér“

Afmælisgöngutúrinn breyttist í martröð þegar eiginmaðurinn reyndi þrisvar að myrða hana – „Ég er orðin svo fokking leiður á þér“