Guðrún Hafsteinsdóttir dómsmálaráðherra segist eiga von á að því að hælisleitendum hér á landi muni fækka verulega á næstu árum. Guðrún er gestur Dagmála á mbl.is þar sem þetta kemur fram en að auki er fjallað um málið á forsíðu Morgunblaðsins í dag.

Greiningarvinna á svigrúmi Íslendinga til að taka á móti hælisleitendum stendur yfir og telur hún að hún muni leiða til verulegrar fækkunar þeirra.

„Ég held að í raun muni Ísland ekki geta tekið á móti nema kannski 500 [á ári],“ seg­ir Guðrún sem tekur þó fram að sú tala sé ekki sett fram af neinni ábyrg enda liggi ekkert fyrir um fjölda eða kostnað.

Bendir Guðrún á að ekki sé hægt að leiða hjá sér ákall úr heilbrigðiskerfinu, menntakerfinu, félagslega kerfinu og sveitarfélögum.

„Það finna vita­skuld all­ir fyr­ir því þegar á tveim­ur árum koma hingað níu þúsund manns í gegn­um vernd­ar­kerfið,“ segir hún meðal annars í viðtalinu.