fbpx
Föstudagur 04.apríl 2025
Fréttir

Langflestir áhrifavaldar sekir um falskar auglýsingar – Einn af hverjum fimm segir satt

Kristinn H. Guðnason
Sunnudaginn 18. febrúar 2024 11:30

Flestir áhrifavaldar narra fylgjendur sína.

Ekki missa af Helstu tíðindum dagsins í pósthólfið þitt

Lesa nánar

Ný rannsókn Evrópusambandsins sýnir að langflestir áhrifavaldar á samfélagsmiðlum narra fylgjendahóp sinn með fölskum auglýsingum. 97 prósent þeirra auglýsa vörur en aðeins 20 prósent greina frá því að um sé að ræða auglýsingu.

Rannsóknin var unnin í samstarfi við neytendastofur í flestum ríkjum Evrópusambandsins og EES ríkja, þar á meðal Íslands. Rannsakaðar voru síður 576 áhrifavalda sem halda úti viðveru á samfélagsmiðlunum Facebook, Instagram, Youtube og TikTok.

Tilgangurinn var að athuga hversu vel væri verið að fylgja eftir Evrópureglum sem banna duldar auglýsingar. Það er til þess að neytandinn sé ávallt upplýstur og ekki sé verið að narra hann.

Ekki nóg að vera í samstarfi eða þakka

Eins og áður segir tilkynna aðeins 20 prósent áhrifavalda að um auglýsingu eða borgaða kynningu sé að ræða þegar þeir auglýsa. Einnig kemur fram að 30 prósent nefna ekki einu sinni fyrirtækið sem þau eru auglýsa fyrir heldur nota vörusýnd (e: product placement).

16 prósent segjast vera í „samstarfi með“ einhverju fyrirtæki en 11 prósent „þakka“ reglulega ákveðnum fyrirtækjum. Þetta er að mati Evrópusambandsins duldar auglýsingar.

Flestir áhrifavaldar, 78 prósent, eru skráðir sem slíkir hjá opinberum stofnunum í sínum löndum. Hins vegar eru aðeins 36 prósent skráðir sem auglýsingaseljendur og hafa leyfi sem slíkir.

Auglýsa vafsamar vörur

Flestir áhrifavaldarnir sem skoðaðir voru, 358 talsins, voru að fjalla um og auglýsa tískuvörur, snyrtivörur, mat, ferðalög og íþrótta og hreystivörur. 119 voru að stunda starfsemi sem er á mörkunum að vera lögleg, eða hreinlega ólögleg. Það er að auglýsa ruslfæði, áfengi, fegrunar og heilbrigðisaðgerðir, veðmálasíður og rafmyntir.

„Áhrifavaldar hafa mikil völd yfir fylgjendum sínum, sem eru margir hverjir börn. Þess vegna þurfa þeir að vera gagnsærri gagnvart almenningi,“ sagði Didier Reynders, dómsmálastjóri Evrópusambandsins.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 15 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú