Lögreglan hefur sent frá sér nýja tilkynningu varðandi hvarf Daníels Loga Matthíassonar, sem lýst var eftir í gærkvöld.
Síðast er vitað um ferðir hans hjá verslun Krónunnar á Fiskislóð sídegis í gær. Fólk í vesturhluta borgarinnar er beðið um að skoða nærumhverfi sitt, t.d. geymslur, garðskúra, stigaganga o.s.frv. „Þau sem eru í forsvari fyrir auðu húsnæði eru jafnframt beðin um að skoða slíka staði,“ segir ennfremur í tilkynningunni.
Daníel Logi er með dökkt krullað sítt hár bundið í hnút. Hann er klæddur í svartri úlpu, hvítri rúllukragapeysu, ljósbrúnum buxum og svörtum skóm. Þeir sem geta gefið upplýsingar um ferðir Daníels Loga eru beðnir um að hafa tafarlaust samband við lögregluna í síma 112.