Lúðvík Pétursson var einn að störfum á vettvangi í Grindavík þann 10. janúar síðastliðinn þegar hann hvarf ofan í sprungu og bar tveggja daga leit að honum engan árangur.
Lúðvík var fæddur 22. ágúst 1973 og skildi hann eftir sig fjögur börn, unnustu, tvö stjúpbörn og tvö barnabörn.
Íbúar í Grindavík hafa ákveðið að sýna samhug sinn í verki og hafa sett af stað söfnun fyrir börn Lúðvíks.
„Við íbúar í Grindavík ætlum að sýna samhug í verki og setja af stað söfnun fyrir börn Lúðvíks Péturssonar sem saknað er síðan 10. janúar er hann féll ofan í sprungu í Grindavík. Margt smátt gerir eitt stórt. Peningurinn sem safnast rennur beint til barna hans. Mér þætti vænt um að þið öll mynduð hjálpa við að deila þessu, til að láta alla vita af þessari söfnun. Það hefur verið opnaður bankareikningur fyrir söfnunina og má finna hann hér fyrir neðan,“ segir í færslu á Facebook.
Reikningurinn er á nafni og kennitölu Ástu Kristínar, dóttur Lúðvíks. Þeir sem vilja styrkja og hafa tök á geta lagt inn á neðangreindan reikning:
Kennitala: 090499-2039
Reikningur: 0123-15-119662
Í Heimildinni sem kom út í dag kemur fram að aðstandendur Lúðvíks kalla eftir því að aðdragandi slyssins og aðstæður á vettvangi verði rannsakaðar.
Sjá einnig: Vilja rannsókn á hvarfi Lúðvíks
