Kýrin Skjóða frá Hnjúki í Vatnsdal í Austur-Húnavatnssýslu hefur slegið Íslandsmet. Hún er nytjahæsta kýr í sögu landsins.

Bændablaðið greindi fyrst frá.

Á liðnu ári mjólkaði Skjóða samanlagt 14.762 lítrum. Jafndreift yfir allt árið eru það 40,44 lítrar á dag.

„Meðalkýrin hjá okkur er í 7.500 lítrum á mjaltaskeiðinu. Hún er hátt í helmingi meira en það,“ segir Maríanna Gestsdóttir, bóndi á Hnúki, í samtali við DV. Hún er eigandi Skjóðu ásamt Sigurði Rúnari Magnússyni.

Skjóða er borin árið 2018 og því á sjötta ári, stór og mikill gripur af góðum ættum. Hún hefur ekki fengið annað fóður en aðrir gripir á bænum.

Maríanna býst ekki við verri nytjum frá henni á þessu ári þó að óvíst hvort að hún slái annað met. Hún sé nefnilega á leiðinni í geldstöðu núna.

„Við búumst við sömu  nytjum í ár. frestuðum aðeins burðum þannig að hún fer í aðeins lengra mjaltaskeið. Það hittir ekki eins vel á almanaksárið. En hún mun mjólka það sama á mjaltaskeiðinu,“ segir Maríanna.