fbpx
Fimmtudagur 15.ágúst 2024
Fréttir

Sigríður Dögg svarar Hjálmari – „Ef hann upplifir það þannig er það hans skoðun“

Kristinn H. Guðnason
Miðvikudaginn 10. janúar 2024 13:28

Sigríður Dögg segir lýsingu Hjálmars á starfslokum sínum ekki rétta.

Ekki missa af Helstu tíðindum dagsins í pósthólfið þitt

Lesa nánar

Sigríður Dögg Auðunsdóttir, formaður Blaðamannafélags Íslands, segir það ekki rétt að ágreiningur á milli hennar og Hjálmars hafi valdið uppsögn hans í dag. Þá hafi stjórn ekki rætt um það sérstaklega að fjármál hennar séu vandamál.

Ástæðan fyrir uppsögninni var að sögn Sigríðar trúnaðarbrestur á milli Hjálmars og stjórnarinnar. Stjórnin hafi verið einróma í sinni ákvörðun.

Málið á sér aðdraganda síðan í maí þegar til hafi staðið að gera breytingar á starfsemi skrifstofu BÍ í takti við nýjar áherslur. Vilji stjórnar hafi staðið til þess að fá annan einstakling í stöðu framkvæmdastjóra, sem Hjálmar hefur verið í síðan árið 2003.

Hins vegar stóð einnig vilji til þess að bjóða Hjálmari nýja stöðu, til að halda þekkingu hans og reynslu innan félagsins. Hjálmar verður 68 ára í vor og Sigríður segir ljóst að hann hefði hætt hjá félaginu bráðlega ef honum hefði ekki verið sagt upp. Stjórnin hafi viljað tryggja vandaða yfirfærslu verkefna. Að ráða nýjan framkvæmdastjóra en hafa Hjálmar á staðnum fyrst um sinn.

Hjálmar vildi hins vegar vera áfram framkvæmdastjóri og stjórnin komst ekkert áfram með að bjóða honum nýja stöðu.

„Við komumst ekkert áfram með að ræða það,“ segir Sigríður. „Svo komu upp mál samhliða þessu ferli sem urðu til þess að stjórn mat það sem svo að það væri í þágu félagsins og félagsmanna að hann myndi ljúka störfum, til þess að tryggja viðunandi starfsskilyrði á skrifstofu félagsins.“

Sigríður segir að Hjálmar hafi vitað af þessum breytingum hjá félaginu síðan í maí.

Hjálmari var sagt upp störfum í dag.

„Hann hefur vitað að þetta standi til. En svo er þessi uppsögn í dag viðbrögð og ákvörðun í framhaldi af trúnaðarbresti sem stjórn mat sem svo að væri eina leiðin til að leysa málið,“ segir hún.

Í viðtali við Morgunblaðið sagði Hjálmar að hann teldi að Sigríður væri ekki starfi sínu vaxin. Einnig að hann teldi að fólk sem hefði ekki hreinan skjöld í fjármálum og gæfi ekki skýringar á þeim efnum ætti ekki að vera í forsvari félags eins og BÍ sem standi fyrir gildi opinnar og lýðræðislegar umræðu. Er hann þá að vísa til umræðu um meint skattaundanskot Sigríðar í tengslum við Airbnb íbúðir.

„Ef hann upplifir það þannig er það hans skoðun,“ segir Sigríður aðspurð um hvort ágreiningur hafi komið upp á milli hennar og Hjálmars um þessi mál.

Þá segir Sigríður að stjórnin hafi viljað enda þetta á annan hátt og sýna Hjálmari þakklæti fyrir áratuga störf fyrir félagið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Dóttir Musk tætir í sig heimsþekktan ævisöguritara hans – „Það er andskotans brandari“

Dóttir Musk tætir í sig heimsþekktan ævisöguritara hans – „Það er andskotans brandari“
Fréttir
Í gær

Lögregla kölluð til eftir skírn í Hallgrímskirkju – „Ég er mjög hrædd því ég veit ekki hvað hann gerir næst“

Lögregla kölluð til eftir skírn í Hallgrímskirkju – „Ég er mjög hrædd því ég veit ekki hvað hann gerir næst“
Fréttir
Í gær

Sóley segir orðatiltækið „svolítið OCD“ grafa undan skilningi á þráhyggju og áráttu

Sóley segir orðatiltækið „svolítið OCD“ grafa undan skilningi á þráhyggju og áráttu
Fréttir
Í gær

Sparaði 12 milljónir á tveimur árum en íbúðin hafði á sama tíma hækkað um 18 milljónir

Sparaði 12 milljónir á tveimur árum en íbúðin hafði á sama tíma hækkað um 18 milljónir
Fréttir
Fyrir 2 dögum

Þingfesting í stóra fíkniefnamálinu – Nístandi kvíði sakborninga sem óttast afhjúpun og smánun

Þingfesting í stóra fíkniefnamálinu – Nístandi kvíði sakborninga sem óttast afhjúpun og smánun
Fréttir
Fyrir 2 dögum

Kom starfsmanni Keflavíkurflugvallar í opna skjöldu – Sjáðu myndina

Kom starfsmanni Keflavíkurflugvallar í opna skjöldu – Sjáðu myndina