Föstudaginn 5. janúar rétt fyrir hádegi varð bílslys á Grindavíkurvegi þar sem tveir bílar lentu í árekstri. Tveir einstaklingar létust í árekstrinum, hjónin Frímann Grímsson, fæddur 1958, og Margrét Á. Hrafnsdóttir, fædd 1960.
Sjá einnig: Tveir létust í bílslysi á Grindavíkurvegi
Hjónin voru búsett í Sandgerði og láta eftir sig tvö uppkomin börn, tengdabörn og barnabörn. Hjónin voru úrskurðuð látin á vettvangi.
Í yfirlýsingu frá Steypustöðinni sem var birt á laugardag er slysið harmað en annað ökutækið var steypubíll frá fyrirtækinu.
Sjá einnig: Yfirlýsing Steypustöðvarinnar vegna banaslyssins á Grindavíkurvegi
